Tags-Manzil

apnī manzil pe pahuñch jā.egī betāb nazar
apne markaz pe na pahuñchī to kidhar jā.egī

kāba-e-dil se milī manzil-e-maqsūd kī raah
yaar kā ham ne usī kūche meñ ghar dekh liyā

pahuñch rahūñgā sar-e-manzil-e-fanā ai 'zauq'
misāl-e-naqsh-e-qadam karne pā-turāb to de

aayā hai vaqt aisā jo pahle na thā kabhī
dushvār rāsta bhī hai manzil hai duur abhī

vaah rī qismat ki kahāñ manzil-e-maqsūd milī
jab maza dene lage paañv ke chhāle mujh ko

kabhī manzil kabhī raste ne hameñ saath diyā
har qadam uljhe rahe qāfila-sālār se ham

koī jaada hai na manzil 'sābir'
apne hī gird bhaTaktā huuñ maiñ

pahle bhī jahāñ par bichhḌe the vahī manzil thī is baar magar
vo bhī be-laus nahīñ lauTā ham bhī be-tāb nahīñ aa.e

kabhī mil jaa.e to raste kī thakan jaag paḌe
aisī manzil se guzar jaane ko jī chāhtā hai

chehre faqat paḌāv haiñ manzil nahīñ tirī
ai kārvān-e-ishq tirī raah ishq hai

kuchh gumrahī tumheñ pe nahīñ farz rahravo
manzil ko bhī to raah meñ aa lenā chāhiye

manzil pe jā ke ḳhaak uḌāne se fā.eda
jin kī talāsh thī mujhe raste meñ mil ga.e

kahāñ ye qatra misāl-e-dariyā
kahāñ mirī manzil-e-talab hai

shajar jo kah na sake āsmāñ vahī sun le
yaqīñ hai vahm kī manzil parind ojhal hai

tū abhī manzil-e-gumān meñ hai
tere shub.hāt kā patā hai mujhe

laġhzish-e-pā ne diyā har raah meñ dhokā mujhe
tā-dar-e-manzil tū hī ai jazb-e-dil pahuñchā mujhe

nasīb-e-pā-e-junūñ hai sadā kī dar-badrī
havā-e-jāda-o-manzil meñ kab chalī hai havā

abhī se ban ga.ī mushkil abhī to duur hai manzil
mujhe rusvā kareñgī dekhiye betābiyāñ kyā-kyā

hādse jitnā mujhe duur kiye dete haiñ
utnā manzil se maiñ nazdīk huā jaatā huuñ

kyuuñ ḳhizr ke pairav hoñ tirī rāh-e-talab meñ
āvāra o gum-karda-e-manzil to nahīñ ham