Tags-Manzil

sāzgār aaj mujhe raah bhī hai rahbar bhī
merī qismat meñ hai āsūda-e-manzil honā

kuchh duur nahīñ manzil-e-maqsūd-e-tamannā
ik fāsla-e-qurb-e-rag-e-jāñ se guzar jā

har ek shaḳhs kī apnī hī ek manzil hai
koī kisī kā yahāñ ham-safar nahīñ hotā

abhī to ḳhair se
manzil buḌhāpe kī nahīñ aa.ī

milā to manzil-e-jāñ meñ utārne na diyā
vo kho gayā to kisī ne pukārne na diyā

Dāloñ kahāñ paḌāv ki raste bhī haiñ ravāñ
manzil kahāñ mile ki vo ḳhud qāfile meñ hai

rahbarī kā kuchh salīqa hai na manzil kī ḳhabar
kaun sī jānib ye mīr-e-kārvāñ le kar chale

manzil-e-husn ḳhud qadam legī
ishq ko rad-ba-rāh hone do

ye sañg-e-nishāñ hai manzil-e-vahdat kā
paidā huā phir koī na us sūrat kā

chale ahbāb āġhosh-e-lahad meñ chhoḌ kar mujh ko
ki hamdardī kā jazba pahlī hī manzil se uThtā hai

mirī nigāh ko manzil kī raushnī hai aziiz
balā se mel kā patthar chamaktā rahtā hai

mahrūmī-e-qismat kā aalam kyā pūchh rahe ho tum mujh se
manzil to abhī hai duur bahut aur ik ik sāthī chhūT gayā

maañg meñ terī kyuuñ na kareñ ushshāq ke dil ārām bhalā
haiñ ye musāfir raste meñ manzil ke maare sote haiñ

ye naqsh-e-pā haiñ mire yā savād-e-manzil tak
qadam qadam pe numāyāñ haiñ justujū ke charāġh

giraft-e-karb se āzād ai dil ho hī jā.ūñgā
abhī rasta huuñ maiñ ik roz manzil ho hī jā.ūñgā

jo maut pī gayā ik jām-e-ambagīñ kī tarah
use tū maut kī manzil kā ik masīhā likh

vaqt aisā ham-safar hai jis kī manzil hai alag
vo sarā.e hai ki jis meñ Thahartā koī nahīñ

sab zafar-yāb hue apne safar meñ 'pāras'
merī manzil hī faqat khoī huī lagtī hai

raah be-samt hai uftād hai manzil apnī
ḳhāk-e-sahrā huuñ uḌātā hai bagūlā mujh ko

dīvānoñ ko saudā-e-talab hī nahīñ varna
har siine kī dhaḌkan kisī manzil kī sadā hai