Tags-Manzil

nuqūsh-e-rah-rav-e-manzil rah-e-manzil meñ rahte haiñ
chakoroñ ke nishān-e-ġham mah-e-kāmil meñ rahte haiñ

vafāoñ ke irāde vus.at-e-manzil meñ rahte haiñ
pas-o-pesh-e-sitam pesh-o-pas-e-mahmil meñ rahte haiñ

le ga.ī thī mujh ko hasrat jānib-e-ḳhud-raftagī
jis taraf ko manzil-e-bīm-o-rajā thī maiñ na thā

haajī tū to raah ko bhūlā manzil ko koī pahuñche hai
dil sā qibla chhoḌ ke tū ne ka.abe kā ehrām kiyā

mere qadmoñ ne mirā saath kahāñ chhoḌ diyā
manzil-e-shauq thī do-gām gila kis se karūñ

tire zavāl kī manzil abhī nahīñ aa.ī
nasha to TuuT chukā ab ḳhumār TūTegā

go murġh-e-nāma-bar ko bismil kiyā hai us ne
tai kar rahegā āḳhir manzil taḌap taḌap kar

ab mire sāmne rasta hī kuchh aisā hai ki maiñ
apnī manzil ko bhī raste se haTā dene lagā

merī manzil na kahīñ thī to mujhe
dasht-dar-dasht phirāyā kyuuñ thā

rah-rav-e-manzil-e-maqtal huuñ mire saath 'sabā'
jo bhī aa.e vo kafan oḌh ke raahī aa.e

mulk-e-adam kī raah thī mushkil se tai huī
manzil tak aate aate badan chūr-chūr thā

koī manzil bhī nahīñ hai koī rasta bhī nahīñ
aur sab mahv-e-safar haiñ koī ruktā bhī nahīñ

zindagī firdaus-e-gum-gashta ko pā saktī nahīñ
maut hī aatī hai ye manzil dikhāne ke liye

mohabbat kī ye vo manzil hai jis meñ
davā-e-dard-o-dard-e-lā-davā kyā

sitāre apne liye ḳhvāhishoñ kī manzil the
hasīn raat hameñ chāñdnī pilātī thī

jhilmilātā jā rahā hai tund āñdhī meñ charāġh
mil rahā hai ḳhuun ke qatroñ se manzil kā surāġh

jab qadam uTThe to rukte haiñ kahīñ
aaj manzil hī nahīñ yā ham nahīñ

be-barg-o-bār raah meñ sūkhe daraḳht the
manzil tah-e-qadam huī ham tez-baḳht the

haiñ azm-e-musāfir ke aage ḳhatrāt masāfat hech bahut
manzil kī talab hai dil meñ agar ho rāhguzar dushvār to kyā

vo aaj bhī haiñ usī tīrgī kī manzil meñ
ujālā maañg ke laa.e jo raushnī ke liye