Tags-Manzil

bas agle moḌ par manzil tirī aane hī vaalī hai
mire ai ham-safar tū kitnā merā dukh baTā legā

ham aap apnī manzil-e-maqsūd the 'umīd'
jaate kahāñ ki ḳhud se pare rāsta na thā

raushan charāġh-e-ishq ne kī manzil-e-hayāt
varna vo tīrgī thī ki kuchh sūjhtā na thā

maiñ jab chalā mirī manzil bhī chal paḌī aage
hamārā kam na huā fāsla maiñ kyā kartā

go mujhe zo.af ne majbūr kiyā thā lekin
manzil-e-ishq meñ kaam aa ga.ī himmat apnī

jab bhī manzil mujhe nazar aa.ī
maiñ safar kī takān se niklā

rah-ravī jaarī rahe be-shak ho manzil ke ḳhilāf
kārvāñ par hukm mīr-e-kārvāñ to saaf ho

jis ko dekho vahī vārafta-e-manzil hai yahāñ
vaah kyā maktaba-e-fikr-o-nazar kholā hai

apne dil-e-muztar ko betāb hī rahne do
chalte raho manzil ko nāyāb hī rahne do

maiñ nahīñ qaa.il kisī taqlīd kā ai rahbaro
har qadam uThtā hai manzil meñ harīfāna mirā

har manzil-e-ġhurbat pe gumāñ hotā hai ghar kā
bahlāyā hai har gaam bahut dar-ba-darī ne

pahle bhī jahāñ par bichhḌe the vahī manzil thī is baar magar
vo bhī be-laus nahīñ lauTā ham bhī be-tāb nahīñ aa.e

laḌkhaḌānā bhī hai takmīl-e-safar kī tamhīd
ham ko manzil kā nishāñ laġhzish-e-paiham se milā

usī manzil meñ haiñ sab hijr-o-visāl
rah-rav-e-ābla-pā ġhaur se san

mahsūs ho rahā hai ki manzil qarīb hai
kuchh duur jā chuke haiñ fazā-e-jahāñ se ham

ye tamannā hai ki uḌtī huī manzil kā ġhubār
sub.h ke parde meñ yaad aa ga.ī shaam āhista

jo ishq kī manzil ke haiñ ahl-e-kamāl un kā
hai shukr-o-shikāyat meñ nuqsān mirā sāhab

ye shajar haiñ ki salībeñ sī gaḌī haiñ har sū
manzil-e-ishq vahī sañg-e-nishāñ hai ki jo thā

sab kuchh achchhā hai ab ham
umr kī us manzil meñ haiñ

muddat se ik azm liye
ham rāh-o-manzil meñ haiñ