Tags-Manzil

kabhī to chal paḌe manzil hī rāste kī tarah
kabhī ye raah bhī chal chal ke phir Thahar jaa.e

dekhnā hai tā-ba-manzil ham-safar rahtā hai kaun
yuuñ to aalam chal paḌā hai aaj dīvānoñ ke saath

gāmzan haiñ ham musalsal ajnabī manzil kī samt
zindagī kī aarzū meñ zindagī khote hue

lākhoñ hī musāfir chalte haiñ manzil pe pahuñchte haiñ do ek
ai ahl-e-zamāna qadr karo nāyāb na hoñ kam-yāb haiñ ham

fazā tabassum-e-sub.h-e-bahār thī lekin
pahuñch ke manzil-e-jānāñ pe aañkh bhar aa.ī

safar kī āḳhirī manzil ke rāhbar ham haiñ
hamāre saath chalo gard-e-rahguzar ham haiñ

ab manzil-e-maqsūd bahut duur nahīñ hai
ai ham-safaro aur zarā aur zarā tez

sulagtī dhuup meñ socho safar kaise kaTā hogā
mirī manzil thī kyā aur tum ne kyā rasta dikhāyā thā

manzil-e-shahr-e-tamannā shāyad ab nazdīk hai
kyuuñ nazar aane lage haiñ rāste dushvār se

koī manzil na koī rāhguzar terā karam
koī āġhāz na anjām tirī umr darāz

maiñ zindagī ke fāsloñ ko nāpne nikal paḌā
qarīb-e-manzil-e-safar mirī hayāt thak ga.ī

kuchh duur nahīñ manzil-e-maqsūd yahāñ se
de saath agar himmat-e-mardāna kisī kā

ab ḳhānumāñ-ḳharāb kī manzil yahāñ nahīñ
kahne ko āshiyāñ hai magar āshiyāñ nahīñ

'qā.em' rah-e-pur-ḳhauf hai aur duur hai manzil
kab pahuñchegā zālim jo yahīñ raat kī tū ne

mirā ghar terī manzil-gāh ho aise kahāñ taal.e
ḳhudā jaane kidhar kā chāñd aaj ai māh-rū niklā

kārvāñ kārvāñ pahuñche manzil pe ham
rah badaltī rahī rahnumā kī tarah

rāh-e-manzil meñ baiTho na yuuñ haar kar
rauñde jāoge tum naqsh-e-pā kī tarah

safar āzād hone ke liye hai
mujhe manzil kā kuchh dhokā nahīñ hai

haa.e vo ik ālam-e-be-tābī-e-pinhāñ ki jab
fāsla manzil se apnā do-qadam rah jā.egā

aisā bhī to mumkin hai mile be-talab ik muzhda-e-manzil
ham apnī duāoñ se tamannāoñ se aage nikal aa.e