Tags-Manzil

vo qatār-e-gumrahāñ thī liye mish.aleñ ravāñ thī
vo jo manzil-āshnā the vo pas-e-ġhubār chup the

nishān-e-manzil-e-maqsūd to batātā hai
kisī bhī taur vo izn-e-safar nahīñ detā

mohabbat ke raste meñ ai shauq-e-manzil milegā ajab lutf pā-e-talab ko
udhar ḳhaar haiñ aur idhar aable haiñ agar nazr haañ vo haiñ to ye haiñ muñh-phaT

kaThin thī rāh-e-vafā duur manzil-e-jānāñ
qadam baḌhā.e to lamhoñ kā fāsla niklā

manzil-e-zīst kahāñ manzil-e-maqsūd 'vaqār'
ik surayyā-e-mohabbat kā talabgār huuñ maiñ

koī rasta koī manzil ise dushvār nahīñ
jis jagah chāho mohabbat ke sahāre jaao

haa.e us rah-rav-e-barbād kī manzil ai dost
jis ne ghabrā ke tirā naqsh-e-qadam chhoḌ diyā

ajiib manzil-e-hairat meñ hai jahān-e-ḳharāb
ki jaise ham se divānoñ ko bhī sazā degā

rāh-e-talab meñ har manzil par ho tajdīd-e-azm-e-safar
rahrav ko ārām na aa.e aur jo aa.e aa.e kam

ahl-e-safar ko justujū manzil pe le ga.ī
gard-e-safar hamārī ye āvārgī rahī

na merī manzil na koī jaada
azal se gard-e-safar rahā huuñ

jhāñk kar dil meñ zarā ye to batā diije huzūr
merī qismat kā sitāra kaun sī manzil meñ hai

ye manzil aur gard-e-kārvāñ 'sāġhar' kahāñ apne
simaT kar rahguzār-e-vaqt par naqsh-e-qadam ho jā

sar-e-manzil hī khulā ai 'bānī'
kaun kis rāhguzar se niklā

āḳhir is manzil-e-hastī se safar karnā hai
ai musāfir tujhe chalne kī ḳhabar hai ki nahīñ

abhī to baaqī haiñ manzil kī Thokareñ kuchh aur
yahīñ pe ḳhatm nahīñ hai abhī safar apnā

manzil-e-mastī ko pahuñche hai unheñ se aalam
nisha-e-mai-balad va sañg-e-nishāñ hai shīsha

hue jab aap se bāhar phir ehsās-e-duī kaisā
pata manzil kā miltā hai inhīñ gum-karda rāhoñ se

ik ābshār pe mānind-e-barg-e-āvāra
koī maqām hai apnā na koī manzil hai

ye be-qarār tabassum tire laboñ kā fusūñ
yahī to chāk-e-garebāñ kī pahlī manzil hai