Tags-Mausam

dekhūñ kaisī fasl ugātā hai mausam tanhā.ī kā
dard ke biij kī nasl hai ūñchī dil kī miTTī giilī sī

maiñ us ko dekhtā rahtā thā us kī āñkhoñ se
ḳhayāl-o-ḳhvāb kā mausam baḌā suhānā thā

kaun batlā.e tumheñ kaise vo mausam haiñ ki jo
mujh se hī duur raheñ mujh meñ hī baste jaa.eñ

ḳhushbū ke bikharne meñ zarā der lagegī
mausam abhī phūloñ ke badan bāñdhe hue hai

mausam ḳhizāñ kā raas kab aayā hameñ 'shujā.a'
jab āmad-e-bahār kā elaan ho chukā

mausam-e-hijr bhī hañs detā hai jis vaqt tirī
yaad ke phuul ḳhayāloñ se sharārat kar deñ

chashm-e-pur-nam soz-e-dil apnī jagah lekin yahāñ
mausam-e-sar-sabz meñ raqs-e-sharar dekhegā kaun

fasleñ bītīñ mausam badlā aur vaqt ne yuuñ kyā kuchh na kiyā
vo daaġh na dil se duur huā ik umr kaTī dhote dhote

dikhlā.eñ ham shikastagī-e-bāl-o-par kise
kahte haiñ log mausam-e-qaid-e-qafas gayā

chāhe haiñ tamāshā mire andar ka.ī mausam
laao koī sahrā mirī vahshat ke barābar

tum to mirī har samt havāoñ kī tarah ho
mausam koī furqat kā jo aatā nazar aatā

farāġhat ke ḳhunuk mausam meñ
dil kī nīm-tārīkī meñ baiThā huuñ

maiñ vo shaidā-e-gesū huuñ ki aksar mausam-e-gul meñ
mirā pā-e-nazar paḌtā hai zanjīr-e-gulistāñ par

is nagrī ke rāj-dulāre ek tarah kab rahte haiñ
Dhalte saa.e badalte mausam dekhne vaale dekhtā jā

zarūrī to nahīñ ik fasl-e-gul ho
junūñ ke aur bhī mausam bahut haiñ

ik hamīñ lagā.eñge ḳhār-o-ḳhas ko siine se
varna sab chaman meñ haiñ mausam-e-bahārāñ tak

ham to ḳhizāñ kī dhuup meñ ḳhūn-e-jigar chhiḌak chale
mausam-e-gul kī chāndnī kis ko mile ḳhabar nahīñ

haañ vahī mausam thā aur ham bhī vahī
raah takte the jo vo be-ghar ga.e

terā hañsnā dekheñ to
mausam Thahrā karte haiñ

tarz-e-mausam pe baat chal niklī
varna maazī kā zikr hī kyā hai