Tags-Mausam

mubārak ho ḳhirad vāloñ tumheñ fikr-o-nazar apnī
haiñ ahl-e-dil bahār-e-ishq ke mausam liye haiñ ham

ḳhuub 'ja.afar'-razā ahbāb tumhāre haiñ ye
jo havāoñ se badal jaate haiñ mausam jaise

mausam-e-gul meñ ye pattoñ ke khaḌakne kī sadā
nafas-e-umr kī āvāz ho maddham jaise

mirī zabān ke mausam badalte rahte haiñ
maiñ aadmī huuñ mirā e'tibār mat karnā

mausam ke rūdād raqam karne ke liye
shāḳheñ apne haath kaTātī rahtī haiñ

mile the ham to mausam hañs diye the
jahāñ jo bhī milā ḳhandāñ-jabīñ thā

firāq-mausam ke āsmāñ meñ ujaaḌ taare juḌe hue haiñ
nadī ke dāman meñ hansrājoñ ke sard lāshe gire hue haiñ

chamakte mausam kā rañg phailā thā jis se āñkheñ dhanak huī thiiñ
aur ab basārat kī narm miTTī meñ thuur kāñTe uge hue haiñ

aah ye rañgīn mausam ḳhuun kī barsāt kā
chhā rahā hai aql par jazbāt kī halchal kā rañg

mausam-e-vajd meñ jā kar maiñ kahāñ raqs karūñ
apnī duniyā mirī vahshat ke barābar kar de

ro.uuñ to ḳhush ho ke piye hai vo mai
samjhe hai mausam ise barsāt kā

na rut thī āñdhiyoñ kī ye na mausam thā havāoñ kā to phir ye kyā huā 'amjad'
har ik koñpal huī zaḳhmī huā majrūh har buuTā ḳhizāñ ke āḳhirī din the

bahār aa.ī na thī lekin havāoñ meñ na.e mausam kī ḳhushbū raqs kartī thī
achānak jab kahā tum ne mire muñh par mujhe jhūTā ḳhizāñ ke āḳhirī din the

vaqt baḌhtā rahā mausam mausam
na.ī rut aa.ī na.e phuul khile

aaj mausam baḌā suhānā hai
yaad aayā koī fasāna hai

mohabbatoñ kā bhī mausam hai jab guzar jaa.e
sab apne apne gharoñ ko talāsh karte haiñ

kyā chiiz hai ai bāda-kasho mausam-e-gul bhī
is daur meñ tauba koī kartā hī nahīñ hai

jo vā kiyā bhī darīcha to aaj mausam ne
pahāḌ Dhāñp diyā abr kī ridā de kar

yak nigah ko vafā na kī goyā
mausam-e-gul safīr-e-bulbul thā

chalī hai ye kaisī havā ḳhūbsūrat
ki dil kā ye mausam huā ḳhūbsūrat