Tags-Maut

fursat-e-mātam-e-parvāna kahāñ se aa.e
sham.a ko maut se laḌnā hai sahar hone tak

us par hī bhejtā hai vo aafat bhī maut bhī
shāyad use ġharīb kā bachcha hai nā-pasand

kyā kahūñ 'jauhar' jo mere jān-o-dil par ban ga.ī
maut kā paiġhām thā ik shām-e-tanhā.ī na thī

har ek saañs pe pahrā hai be-yaqīnī kā
ye zindagī to nahīñ maut kī savārī hai

mujh se pūchho to qazā us kī hai maut us kī hai
dosh-e-ahbāb pe jo mar ke girāñ-bār na thā

hazrat-e-dil ye ishq hai dard se kasmasā.e kyuuñ
maut abhī se aa.e kyuuñ jaan abhī se jaa.e kyuuñ

tez-tar havā.eñ haiñ maut kī fazā.eñ haiñ raat sard o jāmid hai
ahmarīñ sitāre bhī vāqa.ī divāne haiñ ab bhī muskurāte haiñ

kaam husn-kāroñ kā āñsuoñ kī zau de kar kuchh kañval khilā denā
maut husn-kāroñ kī jab vo ḳhud shab-e-ġham meñ ye diye bujhāte haiñ

ai tā.ir-e-lāhautī us rizq se maut achchhī
jis rizq se aatī ho parvāz meñ kotāhī

ai masīhā maut se kar zindagānī kā ilaaj
ho rahe vo ġhair ke ab aasrā koī nahīñ

sulagtī chiñgāriyāñ jahāñ baḌhtī raakh meñ dab ke so ga.ī thiiñ
jahāñ fasurda ġhubār meñ zindagī to kyā maut bhī nahīñ thī

taḌap vo hijr kī thī ab ye maut kī hai taḌap
jo dekhnā ho to ab aa ke dekh jaa.e koī

mareñ to mileñ zindagī ke ishāre
magar maut phir zindagī se bhī aage

zindagī ke baad 'aḳhtar' zindagī ik aur hai
maut bhī jaise faqat naql-e-makānī ho ga.ī

nafas kī āmad-o-shud kā bharosa kuchh nahīñ 'sho.ala'
payām-e-maut le kar ḳhud hayāt-e-musta.ār aa.ī

zindagī aur maut meñ ik umr se thī kashmakash
vaqt par do hichkiyoñ ne paak jhagḌā kar diyā

jo samajhtā hai zindagī ke rumūz
maut kā dar vo be-ḳhatar khole

mujh ko apnī maut kī dastak ne zinda kar diyā hai
dauḌtā phirtā huuñ

maut ik amr-e-musallam hai to phir ai saaqī
ruuh kyuuñ ziist ke ālām se ghabrātī hai