Collections

Lab Shayari

Motivational Ghazals

Best Khamoshi Shayari

More Collections

Tags-Maut

jo āñsuoñ ko na chamkā.e vo ḳhushī kyā hai
na aa.e maut pe ġhālib to zindagī kyā hai

jo aansuon ko na chamkae wo KHushi kya hai

chhuT ga.iiñ nabzeñ rukī sāñseñ nazar pathrā ga.ī
maut kyuuñ kahiye use bīmār ko niiñd aa ga.ī

chhuT gain nabzen ruki sansen nazar pathra gai

sehr hai maut meñ 'munīr' jaise hai sehr-e-ā.ina
saarī kashish hai chiiz meñ apnī nazīr ke sabab

nil-e-falak ke ism mein naqsh-e-asir ke sabab

qsimat-e-shā.ir-e-sīmāb-sifat dasht kī maut
qīmat-e-reza-e-almās-e-hunar sannāTā

phir wahi main hun wahi shahr-badar sannaTa

yaqīnan maut ke har aks par vo ḳhaak Dālegā
duā se jis kī maiñ ab tak na jiitā huuñ na martā huuñ

sikandar hun talash-e-ab-e-haiwan roz karta hun

duniyā-e-dil kī rasmeñ nirālī
be-maut marnā be-ās jiinā

kuchh din ki raunaq barson ka jina

jo rahīn-e-taġhayyurāt nahīñ
maut hai maut vo hayāt nahīñ

jo rahin-e-taghayyuraat nahin

maut bhī aatī nahīñ hijr ke bīmāroñ ko
kyā musībat hai zarā dekhnā bechāroñ ko

maut bhi aati nahin hijr ke bimaron ko

kaun hai insāñ kā koī dost aisā jo kahe
maut us kī fikr meñ laagī hai aur ġhāfil hai ye

kyun malamat is qadar karte ho be-hasil hai ye

ai maut ab kahāñ hai tū
kidhar maiñ DhūñDhtā phirūñ

mahbuba aur maut

mahbūba aur maut meñ ik mumāsalat hai
ki mujhe donoñ se mohabbat hai

mahbuba aur maut

māñgte maut kī duā lekin
haath dil se uThā nahīñ sakte

zaKHm-e-dil hum dikha nahin sakte

kāñdhoñ se zindagī ko utarne nahīñ diyā
us maut ne kabhī mujhe marne nahīñ diyā

kandhon se zindagi ko utarne nahin diya

raftagāñ tum ne abas Dhoñg rachāyā varna
ishq ko daḳhl nahīñ maut kī arzānī meñ

Dub kar bhi na paDa farq giran-jaani mein

maut siine se lagā lene ko hai
zindagī ne haal tak pūchhā na thā

aisa manzar to kabhi dekha na tha

zindagī kyuuñ udaas hai ai dost
maut kyā ās-pās hai ai dost

zindagi kyun udas hai ai dost

ḳhaak aur ḳhuun se ik sham.a jalā.ī hai 'nushūr'
maut se ham ne bhī sīkhī hai hayāt-ārā.ī

KHak aur KHun se ek shama jalai hai nushur

zindagī guzregī mujh ko rauñd kar pairoñ tale
maut lekin mujh ko siine se lagā kar jā.egī

phul se logon ko miTTi mein mila kar aaegi

maiñ chāhtā huuñ maut jo aa.e mirī taraf
maiñ maut ko gale se lagā luuñ marūñ nahīñ

jo hai wo kyun hai aur jo nahin hai wo kyun nahin

patthar hue kaan maut ke bhī
suulī pe laTak rahā huuñ kab se

be-nashsha bahak raha hun kab se