Tags-Maut

maut kā chehra dekh kar bhī vaqt
ziist ko jāvedāñ samajhtā hai

maut se aap kī ulfat ne bachā rakkhā hai
varna bīmār-e-ġham-e-hijr meñ kyā rakkhā hai

ziist aur maut kī sard-o-vīrān sī
do qayāmat numā sarhadeñ

maut kī aarzū bhī kar dekho
kyā ummīdeñ thiiñ zindagī se mujhe

sukūn maut hī anjām-e-iztirāb-e-firāq
jise qarār na aa.e vo be-qarār nahīñ

pesh-e-junūn-e-baḳhta ai dil maut to ziist se ḳhush-tar hai
sham.a ke aage raqs-kunāñ thā parvāna jal jaane meñ

maut se bad-tar buḌhāpā aa.egā
jaan se achchhī javānī jā.egī

haqīqī ishq kā jazba hai dil meñ jis kī barakat se
hayāt aur maut ke asrār-e-uryāñ dekh letā huuñ

jab bulā.egī hameñ maut chale jā.eñge
hukm aisā hai kī tāḳhīr nahīñ kar sakte

zindagī maut ke pahlū meñ numū paatī rahī
ik ḳharāba yahāñ ta.amīr meñ rakkhā gayā thā

tapish meñ dhuup ke hotī hai qadr saa.e kī
na ho jo maut kā ḳhatra to zindagī kyā hai

koī paiġhām-e-mohabbat lab-e-ejāz to de
maut kī aañkh bhī khul jā.egī āvāz to de

jaan detā huuñ magar aatī nahīñ
maut ko bhī nāz-e-ma.ashūqāna hai

ḳhalish kī tah meñ sukūñ milegā alam kī tah meñ ḳhushī milegī
baġhaur dekho to maut meñ bhī tumheñ na.ī zindagī milegī

ab ijāzat de ki maiñ huuñ jāñ-ba-lab ai zindagī
maut aatī hai bas ab hadd-e-adab ai zindagī

jo jiite jī hameñ zindāñ meñ dafnā kar yuuñ jaate haiñ
hamārī maut par aañsū bahā.enge bhalā vo kyuuñ

vo mujh se milne ko aa.e haiñ merī maut ke ba.ad
ḳhushī bhī mere liye ġham hai kyā kiyā jaa.e

maut hai imtihān-e-shauq 'jigar'
varna kyūñkar vafā kare koī

zabt kī had hai maut tak lekin
phir sitam ho to kyā kare koī

kyā ġhazab hai iltijā par maut bhī aatī nahīñ
talḳh-kāmī par hamārī zahr mīThā ho gayā