Tags-Maut

hādsātī maut ke ba.ad
tamām chīḳheñ

rakhī hai husn pe buniyād-e-āshiqī maiñ ne
ḳhushī se maut ko de dī hai zindagī maiñ ne

maut jis raah meñ ghabrā ke qadam rakhtī thī
zindagī apnī vahāñ bhī ba-sad andāz ga.ī

maut ne khel ham ko jaanā hai
kabhī aa.e kabhī palaT jaa.e

sar jhukā.e adab se aatī hai
maut mausam kī rājdhānī hai

ab dard be-dayār hai aur jag-hañsā.ī hai
is ishq ne bhī kaisī javāñ maut paa.ī hai

ziist kī har saañs hotī hai ham-āġhosh-e-fanā
har-nafas hai maut aur baaqī hai mar jaanā hunūz

maiñ to barzaḳh ke añdheroñ meñ jalā.ūñgā charāġh
maiñ nahīñ vo ki jo maut aa.ī to mar jā.ūñgā

haiñ maut ke is jiine meñ maze ġham jis ko na ho vo kyā samjhe
jab sābit karte ban na paḌe jo da.avā hai bātil hī to hai

ban gayā har saañs qātil rañj hai to bas yahī
zindagī ne maar Daalā maut par ilzām thā

ye mohabbat kā sila thā ishq kā anjām thā
phuul kā hañsnā hī us kī maut kā paiġhām thā

maut hī merī āḳhirī manzil
maiñ janam se hī qāfile meñ huuñ

maut bhī is liye nahīñ aatī
zindagī zindagī se ḳhālī hai

maut se guzar kar ye kaisī zindagī paa.ī
fikr pā-ba-jaulāñ hai guñg hai zabāñ yaaro

shauhar kī maut ke ba.ad
ghar meñ vo

pahle kabhī to maut ko tujh se gila na thā
jiine kā aaj kaise hunar aa gayā tujhe

maiñ apnī maut pe raazī vo laash uThāne par
ab aage dekhnā hai marzī-e-adū kyā hai

apnoñ se kabhī maut judā kar nahīñ saktī
jo TuuT gayā haath vo siine pe dharā hai

kisī ko maut na aa.ī kisī ke marne par
sabhī ne dukh se sivā ho ke zinda rahnā hai

durust hai ki judā.ī meñ maut aa jaa.e
magar ye kyā ki ḳhafā ho ke zinda rahnā hai