Tags-Mehfil

na jaane kaun sī mahfil meñ ab tum jalva-farmā ho
nazar rah rah ke uThtī hai magar nākām aatī hai

le gayā dil ko jo us mahfil kī shab maiñ ai 'munīr'
us hasīñ kā bazm meñ andāz sharmāne kā thā

hiqārat se jise Thukrā diyā bargashta sho.aloñ ne
vahī parvāna-e-be-kas faroġh-e-sham-e-mahfil thā

imtihāñ-gāh tirī mahfil-e-dilkash hai magar
maiñ bhī dekhūñ ki koī dil ke sivā hotā hai

sharīk-e-mahfil-e-dār-o-rasan kuchh aur bhī haiñ
sitamgaro abhī ahl-e-kafan kuchh aur bhī haiñ

DhūñDhtī hai iztirāb-e-shauq kī duniyā mujhe
aap ne mahfil se uThvā kar kahāñ rakkhā mujhe

ab ke kuchh aisī sajī mahfil-e-yārāñ jānāñ
sar-ba-zānū hai koī sar-ba-garebāñ jānāñ

sajegī mahfil-e-yārāñ badan sīmābī jūmeñge
kareñge raqs paimāne sitāro tum to so jaao

kabhī to merī bhī sunvā.ī hogī mahfil meñ
maiñ ye umiid liye baar baar jaatā rahā

badal diiñ inqilāb-e-vaqt ne qadreñ zamāne kī
sajāte the jo ḳhud mahfil vo ab mahfil ko rote haiñ

sajā.eñ mahfil-e-yārāñ na shaġhl-e-jām kareñ
to aur kaise tire ġham kā ehtirām kareñ

ho ziyāda raushnī aur der tak baaqī rahe
merī sham-e-rūh ko mahfil tumhārī chāhiye

mai-e-rañgīñ surūd-e-shoḳh raqs-e-dil-rubā shab ko
sahar ko 'soz' furqat ke nishāñ mahfil meñ rahte haiñ

us ne kab barḳhāst ai dil mahfil-e-me.arāj kī
kis se pūchhūñ raat kam thī yā savā thī meñ na thā

apnī mahfil meñ biThā lo na suno kuchh na kaho
kam se kam ek din 'ahsan' pe ye ehsāñ ho jaa.e

mahfil tujhe bas chhoḌ ke jaane ke liye thī
ik maiñ hī faqat ḳhāk-basar terī taraf thā

ḳhud apnī mahfil meñ is qadar kyuuñ hai ehtimām-e-hijāb terā
yahāñ to maujūd tū hī tū hai kahāñ hai koī javāb terā

tamannā hai yahī dil kī vahīñ chaliye vahīñ chaliye
vo mahfil aah jis mahfil meñ duniyā luT ga.ī apnī

ġhair leñ mahfil meñ bose jaam ke
ham raheñ yuuñ tishna-lab paiġhām ke

ḳhizāñ kī mahfil meñ
rañg-o-bū ke muzākre kī