Tags-Mehfil

ba-sūrat-e-dil-e-pur-dāġh un kī mahfil se
atā huī hai mohabbat kī yādgār mujhe

adab kā hai ye taqāzā ki us kī mahfil meñ
sukūt-e-nāz ko bhī naġhma o sadā kahiye

us jagah jā ke vo baiThā hai bharī mahfil meñ
ab jahāñ mere ishāre bhī nahīñ jā sakte

kabhī to ḳhud royā mahfil meñ
kabhī unheñ ḳhalvat meñ rulāyā

dard-e-vafā ko shohrat de dī
mahfil mahfil ġhazal sunā kar

bū-e-gul nāla-e-dil dūd-e-charāġh-e-mahfil
jo tirī bazm se niklā so pareshāñ niklā

tamannā jiit kī ho zindagī meñ
to har mahfil meñ le kar haar jaanā

ik tār-e-garebāñ kā rahe dhyān ki sab log
mahfil meñ to hote haiñ shanāsā nahīñ hote

dekhnā hai dekh lo uThtī huī mahfil kā rañg
subah ke bujhte charāġhoñ kā sambhālā ham bhī haiñ

ham jab uTh jā.eñge ye uqda bhī hal ho jā.egā
raunaq-e-mahfil charāġhoñ ke alāva ham bhī haiñ

shab mai-ḳhāne kī mahfil meñ arbab-e-jafā kā zikr chalā
chup sunte rahe ham Darte rahe terā bhī na un meñ naam aa.e

tirī mahfil meñ har bahrūpiye kā hai maqām ūñchā
haqīqat meñ jo ahl-e-dil haiñ vo uzlat-guzīñ nikle

mujh ko mahfil meñ dekh kar bole
aap yaañ kyuuñ ki aa.e baiThe haiñ

ho na ai sham.a husn par nāzāñ
vo bhī mahfil meñ aa.e baiThe haiñ

abhī kuchh der pahle is qadar ḳhushbū kahāñ thī
ye mahfil terī mahkā.ī huī sī lag rahī hai

koī mahfil ho nazar us kī hamīñ par Thahrī
kabhī apnoñ meñ satāyā kabhī aġhyār ke biich

tujhī se raunaqeñ mahfil-ba-mahfil
tujhī se dil-kushā har anjuman hai

mustaqil mahrūmiyoñ par bhī to dil maanā nahīñ
laakh samjhāyā ki is mahfil meñ ab jaanā nahīñ

mujh tak us mahfil meñ phir jām-e-sharāb aane ko hai
umr-e-rafta palTī aatī hai shabāb aane ko hai

sab the mahfil meñ un kī mahv-e-jamāl
ek ko ek kī ḳhabar na huī