Tags-Mehfil

ai rindo haath pe haath dhare kyā saaqī kā muñh takte ho
mahfil meñ mache kohrām ki saaqī raat guzarne vaalī hai

ye barham hone vaalī mahfil yuuñ bhī barham ho jaatī
ham kah ke hue badnām ki saaqī raat guzarne vaalī hai

ek muusā the ki un kā zikr har mahfil meñ hai
aur ik maiñ huuñ ki ab tak mere dil kī dil meñ hai

maslahat ye hai tum badal jaao
rañg-e-mahfil agar badaltā hai

sham-e-mahfil ho yā ki parvāna
vo bhī jaltī hai ye bhī jaltā hai

ab hashr-ba-dāmāñ hai har mahfil-e-tanhā.ī
tum aa.e to furqat kī azmat pe zavāl aayā

yā un ke hasīn abrū aa.e haiñ tasavvur meñ
yā mahfil-e-hastī meñ raḳhshanda hilāl aayā

ham bhī maujūd the kal mahfil-e-jānāñ meñ 'amīr'
raat ko der talak aap kā mazkūr rahā

gul-ezāroñ kī jo mahfil meñ gayā vo gul-e-tar
ho ga.e zard jo do-chār to do-chār safed

jo dil ne kahī lab pe kahāñ aa.ī hai dekho
ab mahfil yārāñ meñ bhī tanhā.ī hai dekho

sab us kī mahfil meñ haiñ
aur ham us ke dil meñ haiñ

shaam hañgāma thā ḳhushiyāñ thiiñ hasīñ chehre the
kho ga.ī mahfil-e-ahbāb kahāñ rātoñ-rāt

mahfil meñ aaj sham.a jalāne ke din ga.e
tārīkiyoñ meñ dil ko jalā kar ġhazal kaho

jin lamhoñ ne luuT liyā thā mere dil kī duniyā ko
aksar merī mahfil-e-ġham meñ aate jaate rahte haiñ

kahāñ thā guftugū karte hue vo
vo thā bhī to sar-e-mahfil nahīñ thā

jaane kyā soch ke us ne mujhe dīvāna kahā
haa.e us ko abhī mahfil pe bharosa bhī nahīñ

shaam hone ko hai jalne ko hai sham-e-mahfil
saañs lene kī bhī fursat nahīñ parvāne ko

raat bhar meñ sham-e-mahfil jal-bujhī
āshiqoñ kā dil jalānā aur hai

taaza ġhazal zarūrī hai mahfil ke vāste
suntā nahīñ hai koī dobāra sunī huī

ahl-e-mahfil ko rulānā nahīñ aatā mujh ko
tex par tex lagānā nahīñ aatā mujh ko