Tags-Mehndi

'shād' ne aaj ye maqtal meñ tamāshā dekhā
dast-e-qātil se lagī uḌne hinā aap hī aap

usī ne aag lagā.ī thī mere hāthoñ ko
jise maiñ bhuul se barg-e-hinā nahīñ samjhā

hinā ke qaus-e-quzah ke shajar ke kyā kyā rañg
vo aañkh laa.ī hai zanjīr kar ke kyā kyā rañg

maiñ bhī palkoñ pe sajā lūñgā lahū kī būñdeñ
tum bhī pā-basta-e-zanjīr-e-hinā ho jaanā

bebasī sī ajab zindagī meñ ik aisī bhī aa.ī ki jab
ham ne chup-chāp hāthoñ ko rasm-e-hinā ke havāle kiyā

ye urūs-e-kishvar-e-hind thī hama bekasī hama bad-dilī
use tū ne ġhāza-e-ḳhurramī tire ḳhuuñ ne rañg-e-hinā diyā

charāġh-e-lāla hai raushan na surḳh rū-e-hinā
fazā-e-sehn-e-gulistāñ hai yāsmīñ kī taraf

mal ḳhūn-e-jigar merā hāthoñ se hinā samjhe
maiñ aur to kyā kosūñ par tum se ḳhudā samjhe

us ke paañv ko jā lagī hai hinā
ḳhuub se haath use lagā.iyegā

kis qaht-e-etibār se guzre haiñ ahl-e-dil
rañg-e-vafā bhī uḌ gayā rañg-e-hinā ke saath

ai hinā rang-e-mohabbat to hai mujh meñ bhī nihāñ
tere dhoke meñ koī piis na Daale mujh ko

jhalkā ruḳh-e-raushan pe hasīñ sub.h kā partav
gulnār hathelī pe hinā dene lagī lau

masl-e-hinā hai ġhair kī hāthoñ mire bahār
sarsabz agarche hoñ chaman-e-rozgār meñ

tumheñ ye jis din pata chalegā
hayāt rañg-e-hinā nahīñ hai

kyā sahl samjhe ho kahīñ dhabbā chhuTā na ho
zālim ye merā ḳhuun hai rañg-e-hinā na ho

mujhe itr-e-hinā kī nahīñ hai havā mujhe phūloñ se hotā hai dāġh-e-sivā
kabhī nik.hat-e-zulf suñghā de sabā tujhe nāfa-e-mushk-e-ḳhatā kī qasam

bahār-e-shoḳh-o-chaman-tañg-o-rañg-e-gul dilchasp
nasīm-e-bāġh se pā-dar hinā nikaltī hai

ye jo āñkhoñ se ḳhuun jaarī hai
is ko hāthoñ kī tum hinā kar do

thā hinā se jo shoḳh merā ḳhuuñ
bole ye laal laal hai kuchh aur