Tags-Mehndi

maiñ bhī ai surḳhi-e-be-nām tujhe pahchānūñ
tū hinā hai ki lahū paikar-e-tasvīr meñ aa

yāqūt ko laave nahīñ ḳhātir meñ kabhī vo
jis kī nazar ai yaar paḌe terī hinā par

ye rañg-e-dast-e-nāz yūñhī to nahīñ 'salīm'
dil kā lahū bhī sarf huā hai hinā ke saath

vo āñkhoñ meñ kājal vo bāloñ meñ gajrā
hathelī pe us ke hinā mahkī mahkī

Dare vo kyuuñ mire phūloñ meñ aatī mil ke hinā
ye phuul ḳhaak tamannā-e-rañg-o-bū karte

shab o roz royā kareñ ḳhuun āñkheñ
yahī to vo rañg-e-hinā chāhtā hai

ashk-e-gulgūñ ko na ḳhūn-e-shohadā ko dekhā
shoḳh jaisā ki tire rañg-e-hinā ko dekhā

qudrat ḳhudā ke dekho ki chorī to ham kareñ
aur ulTe dast-gīr ho duzd-e-hinā bañdhe

kuchh aag lagā.egā na.ī shola-e-ruḳhsār
kuchh rañg dikhā.egā tirā rañg-e-hinā aur

yuuñ hinā.ī lakīreñ uḌiiñ ajnabī tā.eroñ kī tarah
par-burīda sā rañg-e-kaf-e-sad-hinā bhī akārat gayā

arz-e-dakan meñ jaan to dillī meñ dil banī
aur shahr-e-lucknow meñ hinā ban ga.ī ġhazal

tere tohfe to sab achchhe haiñ magar mauj-e-bahār
ab ke mere liye ḳhushbū-e-hinā aa.ī ho

ye jo laal rañg patañg kā sar-e-āsmāñ hai uḌā huā
ye charāġh dast-e-hinā kā hai jo havā meñ us ne jalā diyā

lahū jigar kā huā sarf-e-rañg-e-dast-e-hinā
jo saudā sar meñ thā sahrā khañgālne meñ gayā

tumhāre hāthoñ kā lams jab bhī mirī vafā kī hatheliyoñ par hinā banegā
to soch lūñgī

ab bhī raushan haiñ vahī dast hinā-ālūda

hinā jo hāthoñ meñ us ke dekhī to rañg dil kā huā ajab kuchh
kamar bhī dekhī to aisī nāzuk ki ho bhī is par nisār dekhā

poroñ pe Dore bāñdhe haiñ us par shu.ūr ne
tā us ke funduqoñ kī na jaave hinā sarak

sūrat-e-barg-e-hinā kis ne banāyā tum ko
pesh kar paa.e nigārīñ meñ lagānā dil kā

kaf-e-talab pe kabhī to mire huzūr likho
hinā ke naqsh ko tahrīr-e-ḳhūñ-bahā kah kar