Tags-Mehndi

ḳhālī jo apnā jism lahū se huā 'qamar'
kitne hī haath rañg-e-hinā ko taras ga.e

khulī sab par āḳhir tirī garm-dastī
huī kholte hī hinā kā kaalī kaalī

havā thī gahrī ghaTā thī hinā kī ḳhushbū thī
ye ek raat kā qissa lahū rulā bhī gayā

tanhā na vo hāthoñ kī hinā le ga.ī dil ko
mukhḌe ke chhupāne kī adā le ga.ī dil ko

hai rañg-e-hinā jin meñ vahī haath dikhā de
hasrat hai ki phir dil meñ koī aag lagā de

ye ḳhvāb-e-sub.h kyā karte tamannā kī hinā-bandī
agar tārīḳh ne apne ko dohrāyā nahīñ hotā

na bāñdho sher meñ duzd-e-hinā kā ai 'qalaq' mazmūñ
kahegā yaar shoḳhī se ye hai mazmūn chorī kā

zīnat-e-dast-e-hinā.ī hai yahī duzd-e-hinā
ġhaib kā ma.araza-e-vaqt-o-makāñ meñ aanā

jis ne chūmā vaqt-e-pāmālī qudūm-e-nāz ko
ḳhūn-e-dil bā-shoḳhī-e-rañg-e-hinā thī maiñ na thā

ye kaisā insāf hai yārab kaisā khel hai qismat kā
kuchh hāthoñ meñ rañg-e-hinā hai kuchh meñ sirf lakīreñ haiñ

thī us ke aks-e-ruḳh se shafaq-rañg zindagī
mere lahū meñ rañg-e-hinā bhī usī kā thā

kartā thā muravvat meñ kabhī mashq-e-sitam bhī
kahtā thā mire ḳhuuñ ko kabhī rañg-e-hinā vo

kiye us ne bazm meñ sho.abde malī mehñdī haath pe sham.a ke
jo patañge raat ko jal ga.e vo tamām murġh-e-hinā hue

santā huuñ ki hai ḳhvāhish-e-pā-bos use abhī
vo piis ke rakh deñ na kahīñ barg-e-hinā ko

mere lahū kī sarshārī kyā us kī fazā bhī kitnī der
tere kaf-e-nāzuk pe rahegā rañg-e-hinā bhī kitnī der

ham mohabbat ko mukammal nahīñ zāhir karte
vo hinā-barg ko chuTkī meñ masal kar dekheñ

ek hathelī par us ne mahkā.e hinā kī sundar phuul
ek hathelī kī qismat meñ likkhā dasht lakīroñ kā

kaam aisā koī mushkil to nahīñ hai 'ḳhāvar'
magar ik dast-e-hinā-rañg pe bai.at karnā

maiñ zindagī ke masā.il se laḌnā chāhtā huuñ
magar vo haath nigār-e-hinā se lipTe hue

surḳhī meñ nahīñ dast-e-hinā-basta bhī kuchh kam
par shoḳhi-e-ḳhūn-e-shohdā mere liye hai