Tags-Mehndi

ātish-e-rañg-e-hinā-o-zulf-e-pechāñ dekhiye
aag talvoñ meñ lagī niklā dhuāñ bālā-e-sar

ruḳhsār o chashm-o-lab gul o sahbā shafaq hinā
duniyā-e-rañg-o-bū meñ tijārat lahū kī thī

'bānī' ajab tarah se khulī ḳhush-muqaddarī
barg-e-shafaq bhī barg-e-hinā bhī mire liye

ḳhuuñ hai dil ḳhaak meñ ahvāl-e-butāñ par ya.anī
un ke nāḳhun hue mohatāj-e-hinā mere ba.ad

taqdīr-e-mohabbat bhī badal jā.egī 'nāmī'
un hāthoñ pe ho jaa.e zarā rañg-e-hinā tez

donoñ pis pis ke rañg laate haiñ
chheḌ dil se hinā se hotī hai

ġhāza ba-rū misī ba-lab paan ba-dahan hinā ba-kaf
silk-e-durr-e-adan basar turra-e-ambarīñ ba-dosh

kis rañg suuñ lage hai kaf-e-pā kuuñ shoḳh kī
dil ḳhuun ho rahā hai hamārā hinā ke haath

kis kā rañg-e-ulfat kyā jame vaañ ye bhī mushkil hai
ki un ke dast o pā meñ ek dam rañg-e-hinā Thahre

aaj mākūs hai ā.īna-e-ayyām-e-jahāñ
niim meñ rañg-e-hinā zor-e-tapish bārish meñ

chaman meñ gul bhī hinā bhī magar nasīb kī baat
koī to sar chaḌhe koī ho pā.emāloñ meñ

merī hī tarah jigar ḳhuuñ hai tirā muddat se
ai hinā kis kī tujhe ḳhvāhish-e-pā-bosī hai

hatheliyoñ kī hinā yaad kuchh dilā.egī
karoge yaad to har baat yaad aa.egī

hasīn raat kiran chāñd kī hinā kī mahak
milā ke ab terī tasvīr kar rahā huuñ maiñ

ahl-e-tadbīr kī vāmāndgiyāñ
ābloñ par bhī hinā bāñdhte haiñ

terī fursat ke muqābil ai umr
barq ko pa-ba-hinā bāñdhte haiñ

husn-e-afsurda-dil-hā-rañgīñ
shauq ko pā-ba-hinā bāñdhte haiñ

paañv meñ jab vo hinā bāñdhte haiñ
mere hāthoñ ko judā bāñdhte haiñ

is baaġh meñ tū ai barg-e-hinā hañsne pe mire zaḳhmoñ ke na jā
rone meñ lahū ḳhandāñ hoñ kyā tū aur nahīñ maiñ aur nahīñ