Tags-Mohabbat

kabhī do bol mohabbat ke bhī ai jān-e-'safī'
jab bhī dekho tire hoñToñ pe lagā rakkhā hai

hazāroñ manzileñ phir bhī mirī manzil hai tū hī tū
mohabbat ke safar kā āḳhirī hāsil hai tū hī tū

balā se kitne hī tūfāñ uThe bahr-e-mohabbat meñ
har ik dhaḌkan ye kahtī hai mirā sāhil hai tū hī tū

mujhe ma.alūm hai anjām kyā hogā mohabbat kā
masīhā tū hī tū hai aur mirā qātil hai tū hī tū

kiyā ifshā mohabbat ko mirī bebāk nazroñ ne
zamāne ko ḳhabar hai mujh se bas ġhāfil hai tū hī tū

zillat mujhe manzūr magar aa.uuñ tire ghar
kyā harj mohabbat kā jo e.azāz nahīñ hai

zahr-e-tanhā.ī-e-ġham pī ke mohabbat meñ 'ḳhayāl'
kis tarah maut ko jiine kā sahārā kahiye

mohabbat be-niyāz-e-mā-sivā hai
baḌe jhagḌoñ pe qaabū pā liyā hai

muTThiyoñ meñ ḳhaak le kar dost aa.e vaqt-e-dafn
zindagī bhar kī mohabbat kā silā dene lage

ba-juz ḳhayāl-e-ġham-e-mohabbat koī mirā ham-safar nahīñ hai
maiñ ab vahāñ se guzar rahā huuñ jahāñ kisī kā guzar nahīñ hai

haq adā karnā mohabbat kā bahut dushvār hai
haal bulbul kā sunā dekhā hai parvāne ko ham

mohabbat zindagī se vo bhī behad
kahīñ ye zindagī dhokā na kar de

siyāsat ke agar bas meñ ho 'gauhar'
mohabbat par bhī vo jurmāna kar de

ajab sī ik musībat ho ga.ī hai
mujhe tum se mohabbat ho ga.ī hai

dauḌtā hai merī rag rag meñ mohabbat kā lahū
dushmanoñ se bhī kināra nahīñ hogā mujh se

bas yahī soch ke rahtā huuñ maiñ zinda is meñ
ye mohabbat hai koī mar nahīñ saktā is meñ

kalī kalī mutabassim hai ārzūoñ kī
qadam qadam pe mohabbat meñ kāmrāñ huuñ maiñ

navā navā meñ mirī zindagī machaltī hai
rabāb-e-husn-o-mohabbat pe naġhma-ḳhvāñ huuñ maiñ

fanā kī zad se hai mahfūz zindagī merī
shi.ār merā mohabbat hai jāvedāñ huuñ maiñ

paikar-e-sher meñ Dhal jaa.e kisī kā chehra
mere iz.hār-e-mohabbat kā ye me.aar nahīñ