Tags-Mohabbat

kaise chhīneñge bhalā ham se mohabbat terī
ham tire kūcha-o-bāzār uThā laa.e haiñ

maiñ ne jaḌ se ukhāḌnā chāhā
us shajar ko jise mohabbat se

kamāl-e-hausla-e-dil dikhā rahā huuñ maiñ
kisī se rasm-e-mohabbat baḌhā rahā huuñ maiñ

badal diyā hai mohabbat ne un kā tarz-e-amal
ab un meñ shān-e-takalluf sī pā rahā huuñ maiñ

dil par biite lab pe na aa.e
haa.e mohabbat kā dastūr

din ko sotī hai mohabbat kī kashish āñkhoñ meñ
raat ko chāñd sitāroñ kī kahānī māñge

mohabbat sirf rūhānī kashish hai
ġham-e-hastī tujhe apnā chukī huuñ

nigāh-e-lutf kyā kam ho ga.ī hai
mohabbat aur mohkam ho ga.ī hai

'ishratī' ghar kī mohabbat kā mazā bhuul ga.e
khā ke london kī havā ahd-e-vafā bhuul ga.e

shab-e-mohabbat huzūr kī kākuloñ ke khulne ke silsile meñ
'adam' ke isrār kyā javāñ the huzūr ko kuchh to yaad hogā

kahāñ hai jazbe mohabbatoñ ke kahāñ hai rasm-e-vafā-parastī
milī thī tahzīb kī badaulat vahī mohabbat to ghaT rahī hai

na maiñ mohabbat meñ tum se lūñgī
na tum hī mujh ko hisāb denā

vahshat tak aa gayā hai mohabbat kā silsila
ab mujh ko fikr-e-jeb-o-garībāñ nahīñ rahī

mohabbat ḳhvāb-e-gul hai
shāḳh-e-dil kī suunī palkoñ par

ik jaam mohabbat se masarrat se bharā jaam
chhalkā.iye chhalkā.iye ab der na kiije

terī hastī āsmān-e-tark kā māh-e-tamām
tū mohabbat har nafas terā mohabbat kā payām

duniyā ke sitam yaad na apnī hī vafā yaad
ab mujh ko nahīñ kuchh bhī mohabbat ke sivā yaad

kuchh dard kī shiddat hai kuchh pās-e-mohabbat hai
ham aah to karte haiñ fariyād nahīñ karte

jaarī to ho sab ke liye farmān-e-mohabbat
kar dījiye dil se zarā ailān-e-mohabbat

is shaḳhs ko dukh-dard satātā bhī nahīñ hai
jis dil meñ rahā kartā hai īmān-e-mohabbat