Tags-Mohabbat

poshīda 'hafīz' is meñ asrār-e-mohabbat haiñ
āsān nahīñ mere ash.ār samajh lenā

kal bichhaḌnā hai to phir ahd-e-vafā soch ke bāñdh
abhī āġhāz-e-mohabbat hai gayā kuchh bhī nahīñ

bahut pur-ḳhār thī rāh-e-mohabbat
chalā aayā magar hañstā huā maiñ

andher hai dayār-e-mohabbat meñ ham-damāñ
taqsīr dil kī Thahre kare jo gunāh chashm

sab apne apne tarīqe se bhiik māñgte haiñ
koī ba-nām-e-mohabbat koī ba-jāma-e-ishq

mohabbat ko kahte ho bartī bhī thī
chalo jaao baiTho kabhī kī bhī thī

bahut dukh se sahnī paḌī hai mujhe
ghaḌī ye mohabbat ke sadmāt kī

kisī meñ mehr-o-mohabbat kahīñ vafā bhī hai
koī kisī kā zamāne meñ āshnā bhī hai

kyuuñ minnat-e-chāra-gar kiije kyuuñ fikr-e-davā-e-dil kiije
bīmār-e-mohabbat ke naale ḳhud dard kā darmāñ hote haiñ

kah do mutrib se 'nazar' sāz-e-mohabbat na bajā
us kī pāzeb kī jhankār hai shahnā.ī meñ

kyuuñ merī mohabbat se barham ho zamīñ vaalo
ik aur gunah rakh lo duniyā ke gunāhoñ meñ

mere malbūs mohabbat kā jo paivand bane
mujh ko us reshmī kapḌe kī zarūrat kyā hai

ye ahl-e-jahāñ se bayāñ kar do 'ahzam'
bikhero mohabbat ye nafrat miTāo

maiñ nahīñ jāntā thā ki mujh ko ye mohabbat kī qīmat milegī
āñsuoñ kā ḳhazāna milegā chaak dāman kī daulat milegī

maiñ ne ibādatoñ ko mohabbat banā diyā
āñkheñ butoñ ke saath rahīñ dil ḳhudā ke saath

ek kuaañ mīThe paanī kā aur ik būḌhā bargad thā
ek mohabbat kā gahvāra bastī saarī hotī thī

mohabbat kā rasta ajab garm thā
qadam jab dharā ḳhaak par jal gayā

zindagii ho mirii parvaane kii suurat yaa-rab
ilm kii sham.a se ho mujh ko mohabbat yaa-rab

maut aa.ī 'zahīr' kab ham ko
jab mohabbat ke lutf aane lage

ye soch ke dil phir se hai āmāda-e-ulfat
har baar mohabbat meñ ḳhasāra nahīñ miltā