Tags-Mohabbat

bad-gumānī meñ mohabbat kā izāfa hogā
ḳhud mirā merī musībat ne agar saath diyā

bīmār-e-mohabbat ne liyā tere sambhālā
lekin vo sambhāle se sambhal jaa.e to achchhā

tāsīr-e-mohabbat ajab ik hub kā amal hai
lekin ye amal yaar pe chal jaa.e to achchhā

haañ kuchh to ho hāsil samar-e-naḳhl-e-mohabbat
ye siina phaphūloñ se jo phal jaa.e to achchhā

hamārā rāz-dāñ koī nahīñ hai
mohabbat kī zabāñ koī nahīñ hai

kuchh taqāze bhī haiñ mohabbat ke
kuchh to andāz-e-dil-rubā honā

mohabbat se use mansūb mat kar
mire lahje meñ jo thoḌī lachak hai

'ādil' jo kamāyā huā hai dāġh-e-mohabbat
ye daaġh zamāne ko dikhāyā nahīñ jaatā

hai mohabbat aisī bañdhī girah jo na ek haath se khul sake
koī ahd toḌe kare daġhā mirā farz hai ki vafā karūñ

jo shar-pasand haiñ nafrat ke biij bote raheñ
juTe raheñge mohabbat kī dāġh-bel meñ ham

abhī mohabbat kī ibtidā hai diloñ ke armāñ nikal rahe haiñ
abhī hai āġhāz mastiyoñ kā sharāb ke daur chal rahe haiñ

ik mohabbat to ka.ī baar bhī ho saktī hai
ek hī shaḳhs ka.ī baar nahīñ ho saktā

ye to mumkin nahīñ mohabbat meñ
aap jo kuchh kaheñ vo ham na kareñ

har shaam ye savāl mohabbat se kyā milā
har shaam ye javāb ki har shaam ro paḌe

vāshuda ġhuncha-e-ḳhātir mat maañg
muntashir bū-e-mohabbat hogī

tumhārī mahfil meñ aane vaale unhī mohabbat ke dushmanoñ ne
tumhārā merā jo vāqi.a thā use fasāna banā rakhā hai

mohabbat kī karishma-sāziyāñ āvāz detī haiñ
tirī yādoñ kī alhaḌ shoḳhiyāñ āvāz detī haiñ

nazar ke saath mohabbat badal nahīñ saktī
nazar badal ke mohabbat ko āzmā.e jā

nahīñ hai ġham to mohabbat kī tarbiyat nāqis
havādis aa.eñ to narmī se pesh aa.e jā

yahī hai lutf-e-mohabbat yahī hai kaif-e-hayāt
haqīqatoñ kī binā par fareb khaa.e jā