Tags-Mohabbat

ye mo.ajiza bhī mohabbat kabhī dikhā.e mujhe
ki sañg tujh pe gire aur zaḳhm aa.e mujhe

is ko ta.alīm o mohabbat kī zarūrat hai abhī
kam-sinī meñ ye jo be-chāra kamāne niklā

mohabbat ko mausam ne āvāz dī
diloñ kī patañgeñ uḌānoñ meñ haiñ

nāseh ihānat-e-ġham-e-jānāñ nahīñ qubūl
luuñ jaan de ke mujh ko mohabbat agar mile

gum hone ko pā jaanā kahte haiñ mohabbat meñ
aur yaad kā rakkhā hai yaañ naam farāmoshī

muddat se piyāsā maiñ baiThā huuñ tire dar par
ik jaam mohabbat kā ḳhud aa ke pilā jaanā

tark-e-ehsās-e-mohabbat mushkil
haañ magar ahl-e-vafā karte the

ye dard-e-mohabbat hai mere masīhā
davā se na koī duā se ghaTegā

mohabbat kī qismat meñ āvārgī hai
kahāñ tak koī us ke pīchhe paḌegā

'valī' jo hai nā-āshna-e-mohabbat
mire dil kī dhaḌkan vo kyuuñ kar sunegā

tum se bichhḌe hue ek muddat huī din guzartā rahā vaqt Taltā rahā
shaam aatī rahī dil dhaḌaktā rahā ham charāġh-e-mohabbat jalāte rahe

golī se hal na hoñge mohabbat se hoñge hal
qaziye hoñ kāshmīr ke yā pañj-āb ke

ik jahāñ mast-e-mohabbat hai ki har sū bū-e-uns
chhā.ī hai un gesuoñ kī nik.hat-e-barbād se

na jiinā hai jiinā na marnā hai marnā
nirālī haiñ sab se mohabbat kī rasmeñ

hai vafā tujh meñ to pāband-e-vafā huuñ maiñ bhī
mujh se mil baiTh mohabbat kī fazā huuñ maiñ bhī

kiye haiñ nazr bahut phuul is mohabbat meñ
dayār-e-ishq meñ tab dil-rubā rahī ḳhushbū

barābar pe chhūTī mohabbat kī baazī
na jiite hue haiñ na haare hue haiñ

hai sach to ye ki mohabbat kā haq adā na huā
sitam to tark-e-mohabbat kā ik bahāna huā

ravādārī ko ham samjhe hue haiñ dard kā darmāñ
mohabbat ko dil-e-majrūh kā marham samajhte haiñ

mañjdhār meñ naav Duub ga.ī to maujoñ se āvāz aa.ī
dariyā-e-mohabbat se 'kausar' yuuñ paar utārā karte haiñ