English
Favourite
Favourite
UrduShayarUrduShayar
Expand menu
Sign inAccount

Tags-Mohabbat

mohabbat faqat lafz thā ek ḳhālī
ye kis ne kahā thā ma.ānī milā do
Ghazal
 haqiqat mein koi kahani mila do
dil-e-muztar se nālāñ haiñ udhar vo bhī idhar ham bhī
mohabbat meñ pareshāñ haiñ udhar vo bhī idhar ham bhī
Ghazal
 dil-e-muztar se nalan hain udhar wo bhi idhar hum bhi
ba-zāhir koī hairānī nahīñ tark-e-mohabbat par
magar dil meñ pashemāñ haiñ udhar vo bhī idhar ham bhī
Ghazal
 dil-e-muztar se nalan hain udhar wo bhi idhar hum bhi
dostī chaah dilī mehr-o-mohabbat guzrī
sīdhe muñh baat bhī kartā nahīñ rut guzrī
Ghazal
 dosti chah dili mehr-o-mohabbat guzri
raas aa.egī mohabbat us ko
jis se hote nahīñ va.ade puure
Sher
 ras aaegi mohabbat usko
mohabbat ik ġham-e-nā-iḳhtitām hotī hai
na sub.h hotī hai us kī na shaam hotī hai
Ghazal
 mohabbat ek gham-e-na-iKHtitam hoti hai
ajab dastūr hai ik ye bhī iz.hār-e-mohabbat kā
zabāñ ḳhāmosh rahtī hai nazar se baat hotī hai
Ghazal
 mere din ki tarah raushan meri har raat hoti hai
'nasīm' ab dil katāñ kī tarah hai chaak
mohabbat meñ kisī rashk-e-qamar kī
Ghazal
 ab aae ho sada sun kar gajar ki
dil o nazar kī baqā hai faqat mohabbat meñ
dil o nazar se koī aur kaam mat lenā
Sher
 dil o nazar ki baqa hai faqat mohabbat mein
ham mohabbat ko ik mansab-e-āshiqāna samajhte rahe
ye na sochā mohabbat kī saudāgarī meñ ḳhasāra hai kyā
Ghazal
 kahkashan ke tanazur mein hum kya hamara sitara hai kya
vo mirī dost vo hamdard vo ġham-ḳhvār āñkheñ
ek ma.asūm mohabbat kī gunahgār āñkheñ
Ghazal
 wo meri dost wo hamdard wo gham-KHwar aankhen
ruuh ko rog mohabbat kā lagā detī haiñ
sehat-e-dil jo atā kartī haiñ bīmār āñkheñ
Ghazal
 wo meri dost wo hamdard wo gham-KHwar aankhen
pyaar kī har ik rasm ki jo matrūk thī maiñ ne jaarī kī
ishq-labāda tan par pahnā aur mohabbat taarī kī
Ghazal
 pyar ki har ek rasm ki jo matruk thi maine jari ki
ik kaifiyat-e-rāz hai ġham hai na masarrat
is bazm-e-mohabbat meñ samāñ aur hī kuchh hai
Ghazal
 ye maut-o-adam kaun-o-makan aur hi kuchh hai
ik chiiz hai nairañgī-e-rudād-e-mohabbat
lekin ba-hadīs-e-digarāñ aur hī kuchh hai
Ghazal
 ye maut-o-adam kaun-o-makan aur hi kuchh hai
tire usūl-e-mohabbat se mujh ko shikva hai
magar maiñ ḳhud ko tirā kār-band rakhtī huuñ
Ghazal
 main bil-umum jo honTon ko band rakhti hun
āḳhir tire dar pe mujhe le aa.ī mohabbat
dekhā na gayā haal mirī dar-badarī kā
Ghazal
 nargis pe to ilzam laga be-basari ka
zuleḳhā be-ḳhirad āvāra lailā bad-maza shīrīñ
sabhī majbūr haiñ dil se mohabbat aa hī jaatī hai
Ghazal
 koi kaisa hi sabit ho tabiat aa hi jati hai
huā nazroñ hī nazroñ meñ vo mahshar barq-e-sad-ḳhirman
mohabbat kī nigāhoñ se sharārat aa hī jaatī hai
Ghazal
 koi kaisa hi sabit ho tabiat aa hi jati hai
na hotī gar naved-e-marg kyuuñ kar hijr meñ jiite
mohabbat meñ bhī āsā.ish pe niyyat aa hī jaatī hai
Ghazal
 koi kaisa hi sabit ho tabiat aa hi jati hai
Top Urdushayar.com