Tags-Mohabbat

ḳhatm thā ham pe mohabbat kā tamāshā goyā
ruuh aur jism ko har roz judā karte the

ġhairoñ kī mohabbat pe yaqīñ aane lagā hai
yāroñ se agarche koī shikva nahīñ ham ko

yā tere alāva bhī kisī shai kī talab hai
yā apnī mohabbat pe bharosā nahīñ ham ko

yuuñ khule bandoñ mohabbat kā na charchā karnā
baat dil kī hai use soch ke rusvā karnā

rakhtā hai ibādat ke liye hasrat-e-jannat
zāhid kī ḳhudā saath mohabbat sababī hai

ik zarb anā ne zer-o-zabar kar Daalā mohabbat kā mehvar
ab us se panāh rab chāheñ the jis pe kabhī ham nāzāñ bhī

nafrat se mohabbat se aksar ham ne hī likhī taqdīr tirī
ham ne hī zamīn-e-gul tujh ko jannat bhī kiyā aur vīrāñ bhī

kisī bhūke se mat pūchho mohabbat kis ko kahte haiñ
ki tum āñchal bichhāoge vo dastar-ḳhvān samjhegā

ma.abad-e-dil meñ parastār-e-mohabbat huuñ 'asar'
ravish-e-kāfir-o-dīñ-dār kahāñ se lā.ūñ

manāo jashn-e-mohabbat ki ḳhuuñ kī bū na rahī
baras ke khul ga.e bārūd ke siyah bādal

ḳhushī yaad aa.ī na ġham yaad aa.e
mohabbat ke naaz o ni.am yaad aa.e

daulat se mohabbat to nahīñ thī mujhe lekin
bachchoñ ne khilaunoñ kī taraf dekh liyā thā

parī kī majlis meñ tujh kuuñ zāhid hanūz parvāngī nahīñ hai
mai-e-mohabbat kuuñ nosh kar tuuñ ki ab talak mujh kuuñ ḳhaam distā

bas yahī dekh ke tajdīd-e-mohabbat kar lī
ro paḌā thā vo mire sāmne bachchoñ kī tarah

kam qadr kabhī dekhī nahīñ jins-e-mohabbat
saudā ye hamesha 'qalaq' anmol rahā hai

āmir-e-aql se 'shahzād' baġhāvat kar leñ
aao us shaḳhs se iqrār-e-mohabbat kar leñ

ham ne sab diip bujhā Daale haiñ imshab taaki
saath jo chal na sakeñ tark-e-mohabbat kar leñ

terī mahfil ke liye bā.is-e-barkat hogā
nā-murādān-e-mohabbat ko bulānā mire dost

jo ġhazal aaj tire hijr meñ likkhī hai vo kal
kyā ḳhabar ahl-e-mohabbat kā tarāna ban jaa.e

na kahiye haañ na kahiye aap ko mujh se mohabbat hai
nigāheñ ḳhud hī de deñgī javāb āhista āhista