English
Favourite
Favourite
UrduShayarUrduShayar
Expand menu
Sign inAccount

Tags-Mohabbat

miltī hai zindagī meñ mohabbat kabhī kabhī
hotī hai dilbaroñ kī ināyat kabhī kabhī
Sher
 milti hai zindagi mein mohabbat kabhi kabhi
sab mumkin thā pyaar mohabbat hañste chehre ḳhvāb-nagar
lekin ek anā ne kitne bhole din barbād kiye
Sher
 sab mumkin tha pyar mohabbat hanste chehre KHwab-nagar
chalo achchhā huā duniyā 'hafīz' ab duur hai ham se
mohabbat ne hameñ duniyā se begāna banā Daalā
Ghazal
 lahu ki mai banai dil ka paimana bana Dala
ḳhud apne jazb-e-mohabbat kī intihā huuñ maiñ
tire jamāl kī tasvīr ban gayā huuñ maiñ
Ghazal
 KHud apne jazb-e-mohabbat ki intiha hun main
hamīd jis ne miTāyā hai baar baar mujhe
usī fareb-e-mohabbat meñ mubtalā huuñ maiñ
Ghazal
 KHud apne jazb-e-mohabbat ki intiha hun main
ye kyā visāl ki āḳhir mirī mohabbat par
ba-vaqt-e-marg use e.atibār aayā hai
Ghazal
 ye kaun hai jo sar-e-rozgar aaya hai
use ḳhabar hī nahīñ dil rah-e-mohabbat meñ
ġham-e-hayāt kā sadqa utaar aayā hai
Ghazal
 ye kaun hai jo sar-e-rozgar aaya hai
maiñ ne to ye chāhā ki tujhe dil se bhulā duuñ
siine se tire naqsh-e-mohabbat ko miTā duuñ
Nazm
 barsat ka mausam
tañg aa jā.ūñ mohabbat se to gaahe gaahe
achchhā lagtā hai mujhe terā ḳhafā ho jaanā
Ghazal
 sar-ba-sar yar ki marzi pe fida ho jaana
be-niyāzī bhī vahī aur ta.alluq bhī vahī
tumheñ aatā hai mohabbat meñ ḳhudā ho jaanā
Ghazal
 sar-ba-sar yar ki marzi pe fida ho jaana
mohabbat bā.is-e-nā-mehrbānī hotī jaatī hai
hamārī saarī mehnat dhūl-dhānī hotī jaatī hai
Ghazal
 mohabbat bais-e-na-mehrbani hoti jati hai
baḌā ilzām Thahrā hai ta.alluq rishta-dārī kā
qarābat kī mohabbat bad-gumānī hotī jaatī hai
Ghazal
 mohabbat bais-e-na-mehrbani hoti jati hai
banjāre haiñ rishtoñ kī tijārat nahīñ karte
ham log dikhāve kī mohabbat nahīñ karte
Ghazal
 banjare hain rishton ki tijarat nahin karte
guftugū-e-dil ba-unvān-e-mohabbat
sar-ba-sar ilzām ho kar rah ga.ī hai
Ghazal
 aarzu nakaam ho kar rah gai hai
tishnagī bhī hai yahī aur yahī paanī bhī
maar detī hai mohabbat kī farāvānī bhī
Ghazal
 tishnagi bhi hai yahi aur yahi pani bhi
ham ne jo kuchh bhī kiyā apnī mohabbat meñ kiyā
go samajhte haiñ zamāne kī zarūrat kyā thī
Ghazal
 dard ko ashk banane ki zarurat kya thi
niim tārīk mohabbat kī dil-āvezī meñ
jagmagātī hai tirī yaad kī mauhūm kiran
Nazm
 nim tarik mohabbat
amn har shaḳhs kī zarūrat hai
is liye amn se mohabbat hai
Sher
 amn har shaKHs ki zarurat hai
isī duniyā meñ duniyā se kināra kar jo aaqil hai
mohabbat phir kisī shai kī na saath ai mehrbāñ le jā
Ghazal
 ye musht-e-KHak apne ko jahan chahe tahan le ja
varna ek mohabbat thī
jo ham ne dil meñ chhupā kar rakkhī huī thī
Nazm
 hum apni zindagi ke liye shukr-guzar hain
Top Urdushayar.com