Tags-Mohabbat

koī ho to mohabbat aisī ho mujhe dhuup aur saa.e meñ jis ke
kisī jazbe kā āzār na ho kisī ḳhvāhish kī ta.azīr na ho

har dhaḌkan haijānī thī har ḳhāmoshī tūfānī thī
phir bhī mohabbat sirf musalsal milne kī āsānī thī

ab sochne baiThā huuñ ki masraf mirā kyā hai
majbūr-e-mohabbat huuñ na pāband-e-vafā huuñ

qīmat mirī zarā sī mohabbat thī dosto
par muddateñ lagīñ mujhe nīlām hone tak

vafā to kaisī jafā bhī nahīñ hai ab ham par
ab itnā saḳht mohabbat se intiqām na le

mohabbat karne vaale bhī ajab ḳhuddār hote haiñ
jigar par zaḳhm leñge zaḳhm par marham nahīñ leñge

aur kyā shai hai ye me.arāj-e-mohabbat ke sivā
aarzū aap kī ho kar mirā armāñ niklā

ham mohabbat ke ḳharāboñ ke makīñ haiñ phir bhī
umr bhar mā.il-e-fariyād nahīñ rah sakte

bhulā paanā bahut mushkil hai sab kuchh yaad rahtā hai
mohabbat karne vaalā is liye barbād rahtā hai

uThā.e phirtā rahā maiñ bahut mohabbat ko
phir ek din yūñhī sochā ye kyā musībat hai

mohabbat karne vāloñ ke bahār-afroz sīnoñ meñ
rahā kartī hai shādābī ḳhizāñ ke bhī mahīnoñ meñ

kabhī ham un kī sunte haiñ kabhī apnī sunāte haiñ
isī daur-e-mohabbat meñ ye din yuuñ biit jaate haiñ

daḳhl kyā rāh-e-mohabbat meñ niko-nāmī ko
aayā is kūche meñ jo un ne sunā kyā kyā kuchh

siina qānūn o ġhinā naala o dil hai mizrāb
nikle hai sāz-e-mohabbat se sadā kyā kyā kuchh

unhīñ se ham ko mohabbat kī daad hai matlūb
vahī jo pās-e-mohabbat zarā nahīñ karte

junūn-e-shauq-e-mohabbat kī āgahī denā
ḳhudī bhī jis pe ho qurbāñ vo be-ḳhudī denā

dil-e-bad-ḳhū kī kisī tarah ra.ūnat kam ho
chāhtā huuñ vo sanam jis meñ mohabbat kam ho

kuchh to ehsās-e-mohabbat se huiiñ nam āñkheñ
kuchh tirī yaad ke bādal bhī bhigo jaate haiñ

vo patthar mom ban jaa.e na kaise
ki sar chaḌh ke mohabbat boltī hai

zabāneñ kaaT dī jaatī haiñ phir bhī
rag-o-pai se mohabbat boltī hai