Tags-Mohabbat

mutālibāt-e-mohabbat haiñ maiñ huuñ aur tum ho
ajiib hai ye musallas ki zāviye hī nahīñ

haa.e us dast-e-karam hī se mile jaur-o-jafā
mujh ko āġhāz-e-mohabbat hī meñ mar jaanā thā

lazzat-e-dard-e-mohabbat ke sabab
ham ko marnā bhī gavārā na huā

mohabbat meñ tapāke-zāhirī se kuchh nahīñ hotā
jahāñ dil ko lagī ho dil-lagī se kuchh nahīñ hotā

takallufāt-e-mohabbat ne qaid kar rakkhā
har ek samt thī dīvār maiñ kidhar jaatā

jitnī ham chāhte the utnī mohabbat nahīñ dī
ḳhvāb to de diye us ne hameñ mohlat nahīñ dī

ḳhud husn nā-ḳhudā-e-mohabbat ḳhudā-e-dil
kyā kyā liye haiñ maiñ ne tire naam pyaar meñ

husn hai mohabbat hai mausam-e-bahārāñ hai
kā.enāt raqsāñ hai zindagī ġhazal-ḳhvāñ hai

chalo mohabbat kī be-ḳhudī ke hasīn ḳhalvat-kade meñ baiTheñ
ajiib masrūfiyat rahegī na ġhair hogā na yaar hogā

sochtā huuñ ki bahut sāda-o-māsūm hai vo
maiñ abhī us ko shanāsā-e-mohabbat na karūñ

sochtā huuñ ki mohabbat hai javānī kī ḳhizāñ
us ne dekhā nahīñ duniyā meñ bahāroñ ke sivā

kahne detī nahīñ kuchh muñh se mohabbat merī
lab pe rah jaatī hai aa aa ke shikāyat merī

paḌtī hai āsmān-e-mohabbat pe chhūT sī
balbe jabīn-e-nāz tirī jagmagāhaTeñ

hai mohabbat to e'tibār bhī kar
har amal kī vazāhateñ mat pūchh

kāfir-e-ishq huuñ maiñ sab se mohabbat hai mujhe
ek but kyā ki samāyā hai kalīsā dil meñ

maiñ hairat o hasrat kā maarā ḳhāmosh khaḌā huuñ sāhil par
dariyā-e-mohabbat kahtā hai aa kuchh bhī nahīñ pāyāb haiñ ham

'ārzū' be-asar mohabbat chhoḌ
kyuuñ kare kaam jab nahīñ aatā

muddat huī ik shaḳhs ne dil toḌ diyā thā
is vāste apnoñ se mohabbat nahīñ karte

ḳhāmoshī ne rusvā.ī ke gul aur khilā.e
dafnāyā mohabbat ko to ubhre haiñ nishāñ aur

chuur haiñ nashsha-e-mohabbat meñ
mai se matlab na mai-kashī se ġharaz