Tags-Mohabbat

takalluf agar hai haqīqat nahīñ hai
tasanño zabān-e-mohabbat nahīñ hai

mohabbat yaqīnan ḳhilāf-e-ḳhirzad hai
magar aql hī ik haqīqat nahīñ hai

us kī mumtāz kī rūdād-e-mohabbat likh duuñ
aise kahtā hai koī shāh-jahāñ ho jaise

lahū meñ kyā batā.eñ raushnī kaisī milī thī
milī thī bas mohabbat jis tarah kī bhī milī thī

kañval khilā thā mohabbat kā jis ke paanī par
vo jhiil us ke kināre fareb dete rahe

ab kahāñ guftugū mohabbat kī
aisī bāteñ hue zamāna huā

vo kāñTā hai jo chubh kar TuuT jaa.e
mohabbat kī bas itnī dāstāñ hai

mohabbat meñ mirī hogā asar āhista āhista
haañ tum ho jāoge mere magar āhista āhista

phir aap ne dekhā hai mohabbat kī nazar se
guzre na kahīñ gardish-e-daurāñ bhī idhar se

dil dard-e-mohabbat se to vāqif bhī nahīñ thā
jānāñ tire baḳhshe hue e.azāz se pahle

sho.aloñ pe chalātī hai mohabbat dil-e-nādāñ
anjām zarā soch le āġhāz se pahle

vā ho āġhosh-e-mohabbat se jo tanhā.ī meñ
aisā lagtā hai ki ham par koī suulī utre

sūkhe pattoñ kī tarah TuuT ke gir jaate haiñ rishte bhī agar in ko mohabbat kī tar-o-tāza havā paanī jo ehsā
haañ magar

itnī mushkil meñ kabhī pahle to jaañ aa.ī na thī
ai mohabbat jab mirī tujh se shanāsā.ī na thī

vo daur hai ki ġham-e-vasl-o-hijr ek taraf
maiñ sochtā huuñ mohabbat kī aabrū hī rahe

ye dāġh-e-dil liye jā.ūñgā gor meñ 'uzlat'
mohabbat us kī thī so bhī zabānī do din kī

mohabbat nek-o-bad ko sochne de ġhair-mumkin hai
baḌhī jab be-ḳhudī phir kaun Dartā hai gunāhoñ se

mohabbat kī gavāhī apne hone kī ḳhabar le jā
jidhar vo shaḳhs rahtā hai mujhe ai dil! udhar le jā

chashm-e-fitrat se Tapaktā hai mohabbat kā jalāl
phail jaa.e na kahīñ ālam-e-idrāk meñ aag

maiñ apne gunāhoñ pe nādim nahīñ huuñ
ye tauba to terī mohabbat meñ kī hai