Tags-Mother

hurmat kā us kī aap ko vaa.iz jo hai ḳhayāl
bint-e-inab huzūr hī kī maañ hai ġhāliban

tirī maḳhmūr sī muskān abhī dekhī to yaad aayā
mirī muskān par ik din mujhe maañ ne batāyā thā ki chhoTā thā to aksar niiñd meñ maiñ muskurātā thā

jahāñ par maañ ko gahrī niiñd aa.ī
usī miTTī kā hai dīdār karnā

jab chalī ThanDī havā bachcha ThiThur kar rah gayā
maañ ne apne la.al kī taḳhtī jalā dī raat ko

maiñ aksar dekhne jaatā thā us ko jis kī maañ martī
aur apne dil meñ kahtā thā ye kaisā shaḳhs? hai ab bhī

'alī-iftiḳhār' kī maañ se maiñ ne batā diyā hai ki apne beTe ko
titliyoñ ke qarīb jaane se rokiye

kaash duniyā kī bhī fitrat ho mirī maañ jaisī
jab maiñ bin baat ke rūThūñ to manānā aa.e

ashk-e-ġham dīda-e-pur-nam se sambhāle na ga.e
ye vo bachche haiñ jo maañ baap se paale na ga.e

malbe ke nīche se niklā maañ kā lāsha
aur maañ kī godī meñ bachchī soī soī

bachchoñ pe chalī golī
maañ dekh ke ye bolī

kisī ko ghar milā hisse meñ yā koī dukāñ aa.ī
maiñ ghar meñ sab se chhoTā thā mire hisse meñ maañ aa.ī

ro kar bhī thake jism ko niiñd aatī hai lekin
bachche ke liye maañ kī thapak aur hī kuchh hai

hañste hue māñ-bāp kī gaalī nahīñ khāte
bachche haiñ to kyuuñ shauq se miTTī nahīñ khāte

maañ baap aur ustād sab haiñ ḳhudā kī rahmat
hai rok-Tok un kī haq meñ tumhāre ne.amat

maañ ke āñchal ke tale baiTh lo kuchh der ai 'tāj'
kyā ḳhabar aage ye saaya ye shajar ho ki na ho

zamīñ na bain kare mehrbān maañ kī tarah
karo kuchh aisā kisī kā zarar bhī koī na ho

bachpan meñ is daraḳht pe kaisā sitam huā
jo shāḳh is kī maañ thī vahāñ se qalam huā

mausamoñ ke ġhazab se bachāte hue, apnī bāhoñ kā halqa banāte hue
dukh uThā.e jahāñ merī maañ ne bahut, apne āñgan kā paudā shajar kar liyā

baap kī DaañT bhī mujh ko aisī milī jaise maañ kī mohabbat kī misrī Dalī
qufl dil kī tijorī ko maiñ ne kiyā aur mahfūz ye māl-o-zar kar liyā

umr baḌhtī ga.ī juuñ juuñ māñ-bāp kii, āmad-o-raft mahdūd hotī ga.ī
baiThe baiThe dar-o-bām takte rahe bolnā-chālnā muḳhtasar kar liyā