Tags-Mother

gavārā kab hai mamtā ko mirā yuuñ dhuup meñ chalnā
mirī maañ oḌhnī phailā ke ik chhātā banātī hai

būḌhī maañ kā shāyad lauT aayā bachpan
guḌiyoñ kā ambār lagā kar baiTh ga.ī

bachche fareb khā ke chatā.ī pe so ga.e
ik maañ ubāltī rahī pathar tamām raat

phir balā koī mere paas se guzre kaise
jab duā maañ kī mire sar kā dupaTTa ho jaa.e

vo maañ hai āb-e-ravāñ kī tabhī samundar ko
uThā ke god meñ jhūlā jhulā rahī thī havā

dard ke lā-matanāhī sahrā se guzarne ke baad maañ ne āñkheñ kholīñ
dekhā duā ke liye uThe haath gir chuke the kyūñki maiñ

duā ko haat uThāte hue laraztā huuñ
kabhī duā nahīñ māñgī thī maañ ke hote hue

ye soch kar hī hameñ ḳhud-kushī savāb lagī
jo kī hai maañ ne to phir bad-duā se mar jaa.eñ

rafta rafta yahī bojh lagne lagīñ
kyuuñ baḌī ho ga.iiñ maañ tirī beTiyāñ

ham apne shauq kī duniyā meñ gum the kuchh aise
samajh na paa.e ki bhīgā hai maañ kā āñchal kyuuñ

maañ baap kā manzūr-e-nazar hote hue bhī
mahrūm-e-virāsat huuñ pisar hote hue bhī

tum ko maañ baap ne paidā kiyā paalā posā
tum ki maañ baap kī ḳhidmat bhī nahīñ kar sakte

yaad aatī hai mujhe maañ kī vo mamtā aksar
laaD se jab vo khilātī thī nivāle mujh ko

us ke maañ baap nahīñ haiñ shāyad
varna us meñ kahīñ bachcha hotā

shahr meñ aa kar paḌhne vaale bhuul ga.e
kis kī maañ ne kitnā zevar bechā thā

sar par hai maañ ke pyaar kā āñchal paḌā huā
mujh par nahīñ hai koī dushāla to kyā huā

aurat maañ thī bahan thī daadī thī naanī thī
kore kāġhaz jaisā bachpan yaad aatā hai

na maañ kā pyaar mayassar na apne ghar kā sakūñ
vo kaise log haiñ jā kar qatar meñ rahte haiñ

rāhat jis ko kahte haiñ
maañ kī god meñ hotī hai

nanhā bachcha hai to aa maañ ke ghane āñchal meñ
raat kī chhalnī saḌak hī se lipaT kar so jā