Tags-Ahvaal

salāsat se bayāñ ahvāl-e-dil karnā hai ik ḳhūbī
basā-auqāt chup rahnā bhī to dānā.ī hotī hai

sunte hī hans ke Tak ik sochiyo kyā tū hī thā
jin ne shab ro ke sab ahvāl kahā maiñ hī huuñ

kal tak to āñsūon se pareshāñ thā aur ab
ahvāl-e-dil bhī aaj zubūñ mujh ko mil gayā

tum ne pūchhā hai to ahvāl batā dete haiñ
varna chehre bhī mah-o-sāl batā dete haiñ

'mīr' ke sher kā ahvāl kahūñ kyā 'ġhālib'
jis kā dīvān kam-az-gulshan-e-kashmīr nahīñ

bad-nām-o-ḳhvar-o-zār-o-nazār-o-shikasta-hāl
ahvāl kuchh na pochhiye us rū-siyāh kā

vo bhī sar-e-maqtal hai ki sach jis kā thā shāhid
aur vāqif-e-ahvāl-e-adālat bhī bahut thī

the kitne achchhe log ki jin ko apne ġham se fursat thī
sab pūchheñ the ahvāl jo koī dard kā maarā guzre thā

'ġhālib' tirā ahvāl sunā deñge ham un ko
vo sun ke bulā leñ ye ijārā nahīñ karte

ek laḌkī baghārtī hai daal
daal kartī hai arz yuuñ ahvāl

ham kahāñ bazm-e-gah-e-nāz kahāñ phir ye ġhazal
arz-e-ahvāl-e-shikāyāt chalī jaatī hai

sunā hai tañgī-e-kunj-e-lahad kā bhī ahvāl
hai aaj arz-o-samā kā fishār aur hī kuchh

dekho hai bulbul nāla-zan
kahtī hai ahvāl-e-chaman

nāma-bar us se na ahvāl hamārā kahnā
vo tunuk-ḳhū hai bigaḌ jaa.e mabādā yuuñ bhī

ham ki jis shahr meñ the sog-nashīn-e-ahvāl
roz is shahr meñ ham dhuum machā.e bhī ga.e

chalā huuñ ghar se maiñ ahvāl-e-dil sunāne ko
vo muntazir haiñ mirā zabt āzmāne ko

kaun aa.egā pa.e-pursish-e-ahvāl yahāñ
kis kī ḳhātir koī taz.īn-e-dar-o-bām kare

sochā thā apne dil kā bhī ahvāl kuchh kaheñ
chehra bayān dard kī tafsīl kar gayā

bāryābī shart-e-ḳhāmoshī pe hai vo is tarah
pahle hī tafsīl-e-ahvāl-e-guzārish chāhiye

khiḌkiyoñ kī oT se andāza ho saktā nahīñ
shahr kā ahvāl tum ghar se nikal kar dekhte