Tags-Mulaqat

zaḳhm-e-dil ho ga.e ḳhandāñ vo mulāqāt huī
hai mujhe aap kā andāz-e-ayādat ma.alūm

pur-nūr tire husn se āġhosh-e-tasavvur
duurī meñ bhī hāsil hai mulāqāt kā aalam

gar vaqt-e-sahar jā.iye hotā hai ye irshād
hai vaqt-e-mulāqāt sar-e-shām hamārā

chup haiñ huzūr mujh se koī baat ho ga.ī
yā phir kisī se aaj mulāqāt ho ga.ī

dekhā hai bahut ḳhvāb-e-mulāqāt bhī har-ros
hisse meñ jo ab aa.ī hai tanhā.ī hamāre

ik dost se yahāñ bhī mulāqāt ho ga.ī
rahnā yahāñ bhī ab mirā dushvār ho gayā

chand lamhoñ ke liye ek mulāqāt rahī
phir na vo tū na vo maiñ aur na vo raat rahī

vo raushnī meñ bhī hotā nahīñ kahīñ maujūd
jo rañg māh-e-mulāqāt se nikaltā hai

kal baare ham se is se mulāqāt ho ga.ī
do do bachan ke hone meñ ik baat ho ga.ī

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

be-vahm-o-gumāñ raah meñ mil jaate ho aksar
dānista kahāñ mujh se mulāqāt karo ho

dil mulāqāt kā ḳhvāhāñ ho to ḳhaak uḌtī hai
bach ke chaltā huuñ to miltā hai zamānā sar-e-rāh

dekhā nahīñ kabhī na mulāqāt hī huī
'ehsās'-jī kā naam hai lekin sunā huā

aañkh meñ thī hayā har mulāqāt par surḳh aariz hue vasl kī baat par
us ne sharmā ke mere savālāt pe aise gardan jhukā.ī mazā aa gayā

ye mulāqāt luuTe letī hai
ishq kī ghaat luuTe letī hai

har mulāqāt pe siine se lagāne vaale
kitne pyāre haiñ mujhe chhoḌ ke jaane vaale

hai arsa-e-mahshar bhī koī kunj-e-gulistāñ!
dekho to kahāñ un se mulāqāt huī hai

gar yaar se har roz mulāqāt nahīñ
aur ho bhī ga.ī to phir mudārāt nahīñ

ġham ye nahīñ ki ġham se mulāqāt huī
ġham hai ki rāh-e-ġham meñ ḳhurāfāt ho ga.ī

muddat ke baad phir se mulāqāt ho ga.ī
ham ko udaas dekh ke royā kiyā bahut