Tags-Mulaqat

sadiyoñ ke tasalsul meñ kahīñ gardish-e-daurāñ
pahle bhī kahīñ tujh se mulāqāt huī hai

tajdīd-e-rasm-o-rāh-e-mulāqāt kījiye
mujh se nazar milā ke zarā baat kījiye

vasl kā us ke dil-e-zār tamannā.ī hai
na mulāqāt hai jis se na shanāsā.ī hai

umr bhar milte rahe phir bhī na milne paa.e
is tarah mil ki mulāqāt mukammal ho jaa.e

kis mulāqāt kī ummīd liye baiThā huuñ
maiñ ne kis din pe uThā rakkhī haiñ saarī bāteñ

kyuuñ ḳhayāloñ meñ roz aate haiñ
ik mulāqāt jin ke saath huī

lā-makāñ se bhī pare ḳhud se mulāqāt kareñ
khul ke tanhā.ī kī vus.at pe zarā baat kareñ

zaḳhm kī fasl ab harī samjho
ye mulāqāt āḳhirī samjho

ghar se niklā to mulāqāt huī paanī se
kahāñ miltī hai ḳhushī itnī farāvānī se

kyā kahūñ us se ki jo baat samajhtā hī nahīñ
vo to milne ko mulāqāt samajhtā hī nahīñ

chunāñche sar-e-shām ham sab kisī ḳhāndān-e-farañgī se bahr-e-mulāqāt nikle
yahāñ merā ''ham sab'' se matlab hai vo dūsre ham-vatan aur paḌosī ki jo mulk-e-afrañg kī is baḌī

kaun kahtā hai mulāqāt mirī aaj kī hai
tū mirī ruuh ke andar hai ka.ī sadiyoñ se

kaise dekheñge vo ujḌī āñkheñ
ab mulāqāt se dil Dartā hai

jis meñ ik din bhī mayassar ho mulāqāt kī raat
mere nazdīk to vo maah vo saal achchhā hai

bichhḌe logoñ se mulāqāt kabhī phir hogī
dil meñ ummīd to kaafī hai yaqīñ kuchh kam hai

tark kī mujh se mulāqāt aap ne achchhā kiyā
ġham miTā har-vaqt kā jhagḌā gayā din-rāt kā

ḳhushnumā dhun pe raqam dard ke naġhmāt sā thā
vaqt-e-ruḳhsat bhī junūñ pahlī mulāqāt sā thā

yaad aa.uuñ ki na aa.uuñ mirī qismat lekin
un se ummīd-e-mulāqāt chalī jaatī hai

jī kī jī hī meñ rahī baat na hone paa.ī
haif ki us se mulāqāt na hone paa.ī

na.e dinoñ kī salībeñ ga.e dinoñ ke mazār
azaab ḳhud se mulāqāt kā hai tanhā.ī