Tags-Naaz

ba-kaj-adaya-e-ḳhūbān-e-nāz-e-ālam se
tayaqqun-e-dil-bargashta-e-baḳht uThne lagā

pasīna aa gayā un ko kiyā va.ada jo aane kā
burī hai naaz bardārī nazākat aa hī jaatī hai

harīm-e-nāz ko dekho ki aaj pahlī baar
dar-e-niyāz khulā hai yaqīñ nahīñ aatā

tirī teġh ġhamza-e-chashm ne jo haiñ qatl mujh ko kiyā sanam
to vahīñ pe īsa-e-nāz ne mujhe ek dam meñ jilā diyā

abhī se naaz na kar itnā ḳhush-libāsī par
abhī to bazm meñ vo nukta-chīñ nahīñ aa.e

daftar-e-nāz pe kuchh baar na thā is kā niyāz
apne 'bismil' ko subuk-dosh na kar denā thā

na uThānā thā dar-e-mai-kada-e-nāz se ab
varna pahle mujhe mai-nosh na kar denā thā

ho ke vo mast-e-mai-e-nāz gale lipTe haiñ
hosh kambaḳht kahīñ tafraqa-pardāz na ho

agar koī harīm-e-nāz ke parde uThā detā
to phir ka.aba kahāñ rahtā sanam-ḳhāne kahāñ jaate

maiñ to sab kā huuñ rifāqat pe mirī sab ko hai naaz
koī merā hī magar mere bhare ghar meñ nahīñ

ab kise DhūñD rahī hai nigah-e-nāz batā
hāsil-e-jaur mire zūd-pashemāñ dekhā

ḳhushbū ne aap kī jo sar-afrāz use kiyā
kis naaz se chalī hai sabā kuchh na pūchhiye

kahte haiñ ba-sad-nāz mirā naam na lo
kaise haiñ ye andāz mirā naam na lo

jis husn kā ushshāq sunāte haiñ fasāna
jis husn ke har naaz pe miTtā hai zamāna

adā-e-nāz ko andāz-e-dilbarī samjhe
fareb ahl-e-mohabbat ne khaa.e haiñ kyā kyā

bār-hā ye bhī huā anjuman-e-nāz se ham
sūrat-e-mauj uThe misl-e-talātum aa.e

vaañ hai vahī vufūr-e-itāb-o-jafā-o-qahr
yaañ naaz bhī uThāne kī tāqat nahīñ rahī

soz-e-nazar se chhalkeñ naġhmāt-e-rāz-e-hastī
ai uqda-e-taġhāful rūdād-e-nāz ho jā

ab so chukī ummīdeñ ab thak chukīñ nigāheñ
jān-e-niyāz-mandī masrūf-e-nāz ho jā

qurbat-e-husn ġhazab hai ki sar-e-mahfil-e-nāz
us ke lab se nahīñ hotā lab-e-paimāna judā