Tags-Naaz

dil to hāzir hai agar kījiye phir naaz se ramz
haiñ tire naaz ke sadqe isī andāz se ramz

ham ji.eñ yā ki mareñ kuchh nahīñ ġham shauq se aap
masnad-e-nāz pe farmā.iye e.azāz se ramz

shor ab aalam meñ hai us shobada-pardāz kā
charḳh bhī ik shobada hai jis sarāpā naaz kā

qad-āvarī pe apnī hameñ naaz thā bahut
sūraj ugā to qad se bhī saa.e darāz the

be-shak apne zebā.ī par us ko naaz rahe
lekin shaam savere yaad aane se baaz rahe

arbāb-e-ḳhirad ko hai baḌā naaz ḳhirad par
tū un ko bhī dīvāna banāne ke liye aa

harīm-e-nāz-o-adā meñ un kī ye kaun dahqānī boltā hai
hai nā-tarāshīda guftugū se zabāñ bhī lutf-e-zabāñ bhī aajiz

nākāmī-e-umīd se ghabrā na jaa.e dil
qismat par apnī naaz kiye jā rahā huuñ maiñ

shukr-e-nigāh-e-nāz kiye jā rahā huuñ maiñ
fitrat ko kārsāz kiye jā rahā huuñ maiñ

dil ko harīf-e-nāz kiye jā rahā huuñ maiñ
har shai se be-niyāz kiye jā rahā huuñ maiñ

dikhātī hai kabhī bhālā kabhī barchhī lagātī hai
nigāh-e-nāz-e-jānāñ ham ko kyā kyā āzmātī hai

koī naav bahr meñ thī ravāñ ka.ī us meñ baiThe the mah-vishāñ
kahīñ us giroh ke darmiyāñ dur-e-nāz bhī vo savār thā

us ne kis naaz se mirī gardan
kamar-e-shauq kas ke kaaTī hai

nigah-e-nāz se kyūñkar pūchhūñ
kyuuñ nigāhoñ se girāyā hai mujhe

hai chashm nīm-bāz ajab ḳhvāb-e-nāz hai
fitna to so rahā hai dar-e-fitna baaz hai

kyā naaz thā 'saif' hausle par
chup ho ga.e ek baat par ham

kartā thā kal galī meñ vo apnī ḳhirām-e-nāz
is meñ jo aa ke paḌtī hai mujh par nazar kahīñ

tire naaz kyūñkar uThā.ūñ na maiñ
mirī dostī par tū gumrāh hai

be-qarārī hī muqaddar hai tirā
nāz-o-andāz-e-dil-e-muztar na dekh

hai ḳhasam-jān-e-āshiq vo mahv-e-nāz lekin
har lamha be-adā.ī ye bhī to ik adā hai