Tags-Naaz

faḳhr hai naaz hai us par to 'jamīla' mujh ko
tum sag-kū-e-jamālī mujhe kahlāne do

harīr-o-resham-o-dībā meñ rañg-e-nāz-o-adā
sukūn-e-dil ke liye haiñ qarār-e-jāñ kī tarah

kabhī bolnā vo ḳhafā ḳhafā kabhī baiThnā vo judā judā
vo zamāna naaz o niyāz kā tumheñ yaad ho ki na yaad ho

tumheñ jis kī chaah pe naaz thā jo tumhārā mahram-e-rāz thā
maiñ vahī huuñ āshiq-e-bā-vafā tumheñ yaad ho ki na yaad ho

mo'tabar ab to banā ai nigah-e-nāz mujhe
is bhare shahr meñ benām-o-nishāñ huuñ maiñ bhī

samand naaz se tere bahut hai arsa tañg
tanik to tark kar is tark taaz karne ko

vo garm naaz ho to ḳhalq par tarahhum kar
pukāre aap ajal ehtirāz karne ko

jo maiñ na huuñ to karo tark naaz karne ko
koī to chāhiye jī bhī niyāz karne ko

agarche gul bhī numūd us ke rañg kartā hai
va-lek chāhiye hai muñh bhī naaz karne ko

iltijā nāz-āfrīnī ke liye hai varna sun
aarzū ḳhud us kī shāhid hai ki jalva dil meñ hai

arz-e-niyāz-e-ishq ke qābil nahīñ rahā
jis dil pe naaz thā mujhe vo dil nahīñ rahā

ye jo niyāz-e-ishq kā ehsās hai tumheñ
shāyad kisī ke naaz uThā.e hue ho tum

nazar uThā ki tire rū-ba-rū maiñ Thahrā huuñ
niyāz-o-nāz ke mahke hue gulāb liye

de ke ik bosa ajab naaz se dilbar ne kahā
ai 'shabāb' aaj ye tujh par hai ināyat merī

shoḳhī shabāb husn tabassum hayā ke saath
dil le liyā hai aap ne kis kis adā ke saath

mirī samt mahfil-e-ġhair meñ vo adā-e-nāz se dekhnā
jo ḳhatā-e-ishq kī hai sazā to mirī vafā kā sila bhī hai

kuchh to hamāre darmiyāñ hai dil-lagī abhī
terī nigāh-e-nāz meñ hai tishnagī abhī

tujhe faḳhr apne sitam pe hai ki asā-e-rāh-numā banā
mujhe naaz apnī vafā pe hai ki charāġh-e-rāhguzar huī

o mast-e-nāz husn tujhe kuchh ḳhabar bhī hai
tujh par nisār hote haiñ kis kis adā se ham