Tags-Naaz

ye baat ye tabassum ye naaz ye nigāheñ
āḳhir tumhīñ batāo kyūñkar na tum ko chāheñ

unheñ ḳhabar karo ki shām-e-hijr aa rahī hai phir
jinheñ vafā-e-ahd par ġhurūr o naaz thā bahut

ab tirī anjuman-e-nāz koī raaz nahīñ
ab mirā dard bhī lafzoñ meñ bayāñ hone lagā

din shahīd-e-nāz kā kis kis jagah hai jalva-rez
kuchh hai shafaq meñ aur kuchh shāmil hai lāla-zār meñ

is husn is shabāb par nāz-o-ġhurūr is qadar
aaj hai aur kal nahīñ aap haiñ kis shumār meñ

kyuuñ dar-pai-e-talāsh haiñ ahbāb-o-aqrabā
'parvīñ' shahīd-e-nāz ko qātil se kyā ġharaz

ham to lete haiñ mazā ghar meñ hī vīrānī kā
nāz-bardārī kare kaun bhalā sahrā kī

vahī ḳhūn-e-shahīd-e-nāz ab barbād hotā hai
rahā ban kar jo tere haath meñ rañg-e-hinā barsoñ

jo un se kahtā huuñ yaar hāzir hai ye hamārā dil-e-shikasta
to hañs ke kahte haiñ naaz se vo janāb ham le ke kyā kareñge

ḳhūñ-reziyāñ Tapaktī haiñ pā-e-hinā.ī se
fitna ḳhirām-e-nāz kā barpā na kījiye

dard jis meñ na ho vo dil kaisā
naaz jis meñ na ho shabāb nahīñ

maiñ huuñ aur hairat-e-jāved magar zauq-e-ḳhayāl
ba-fusūn-e-nigah-e-nāz satātā hai mujhe

shikasta-dil na ho us but ke naaz se kyūñ-kar
sulūk shīsha se hai sañg-e-ḳhārā kyā kartā

ishq kā naaz vafā husn kā ehsān jafā
ham jo TuuTe to mohabbat ke idāre TuuTe

paañv rakhtā hī nahīñ naaz se bālā-e-zamīñ
kaf-ba-kaf bazm meñ saaqī kī ravāñ hai shīsha

gulābī sīḌhiyoñ se chāñd utre
ḳhirām-e-nāz kā manzar bhī aa.e

gore hāthoñ meñ bane chauḌī ḳhat-e-sāġhar kā aks
tere dast-e-nāz meñ nāzuk sā paimāna rahe

mujhe hai naaz mirā baḳht hai buland bahut
ye baḳht merā tujhe bādshāh banā degā

shab o roz jaise Thahar ga.e koī naaz hai na niyāz hai
tire hijr meñ ye patā chalā mirī umr kitnī darāz hai

pahle is meñ ik adā thī naaz thā andāz thā
rūThnā ab to tirī aadat meñ shāmil ho gayā