Tags-Naaz

aa.iye aaj aap se kuchh raaz kī bāteñ kareñ
us hasīñ us kī nigāh-e-nāz kī bāteñ kareñ

kis qadar ma.asūm kaisī garm kitnī dil-navāz
vo nigāh-e-nāz jo bad-nām hai mere liye

haa.e kis naaz se kahte haiñ shab-e-vasl meñ vo
ho chukī baat jo honī thī pare haT ham se

na mizāj-e-nāz-e-jalva kabhī pā sakīñ nigāheñ
ki ulajh ke rah ga.ī haiñ tirī zulf-e-ḳham-ba-ḳham meñ

vo kitne naaz se kahne lage 'rabāb' agar
udaas rahne lagī hai to phir udaas rahe

shamīm-e-zulf mushk-e-afshāñ taġhāful sau sitam-sāmāñ
ġhurūr aur nāz-e-be-pāyāñ mizāj aur tab.a nāzuk-tar

fikr-e-īzā meñ mirī kuchh nahīñ tanhā vahī shoḳh
nāz-o-andāz-o-adā aur pa.e āzār haiñ sab

nigāh-e-nāz kā jaadū jagā sako to chalo
qadam qadam pe na.e gul khilā sako to chalo

ye naaz ye andāz ye shoḳhī ye adā.eñ
ai dil ye kahīñ bazm-e-hasīnāñ to nahīñ hai

luuTā hosh aur luuTā diiñ ko dil ko bhī kuchlā kyā kyā vaah
naaz ko us ne aaj to kuchh be-dād par aisā chhoḌ diyā

adab kā hai ye taqāzā ki us kī mahfil meñ
sukūt-e-nāz ko bhī naġhma o sadā kahiye

izn-e-jalva mil chukā hai ab tujhe a chashm-e-shauq
kāmyāb-e-jalva-gāh-e-nāz honā chāhiye

unheñ apnī sūrat pe yuuñ naaz kab thā
mire ishq-e-rusvā ko 'aḳhtar' duā deñ

sair-e-ajab rakhe hai tirī jalva-gāh-e-nāz
is lutf kā kahāñ hai ḳhyābān dūsrā

na qahr raftār-e-nāz Dhaa.e lachak na vaqt-e-ḳhirām aa.e
ḳhudā hī nāzuk kamar bachā.e ki pā.eñche vo sambhālte haiñ

uThte uThte maiñ ne is hasrat se dekhā hai unheñ
apnī bazm-e-nāz se mujh ko uThā kar ro diye

nigah-e-nāz le ḳhabar varna
dard mahbūb-e-iztirāb huā

tujh ko barbād to honā thā bahar-hāl 'ḳhumār'
naaz kar naaz ki us ne tujhe barbād kiyā

husn kuuñ hai naqd-e-nāz aur ishq kuuñ jins-e-niyāz
phir abas shikva hai ye saudā huā hai ḳhush-ḳharīd

miT ga.e shikve jab us ne ai 'jalīl'
Daal deñ bāñheñ gale meñ naaz se