Tags-Naaz

kyā kyā tire marīz ko the naaz dard par
jab bas meñ chāragar ke bhī darmāñ koī na thā

ek ik rag de rahī hai lau vufūr-e-soz se
naaz hai 'sāqib' ko apne ḳhil.at-e-zar-tār par

shahīd-e-nāz kī mayyat jo dekhī gul-dar-gul
kafan khasūT jo aa.e the haath mal ke chale

us ne uThāyā ham pe tamāñcha ham ne haTāyā muñh ko jo aah
shoḳh ne ham ko us din se phir naaz dikhānā chhoḌ diyā

ishq ke ijz-o-niyāz husn ke andāz-o-nāz
koī ise kuchh kaho ham to samajhte haiñ ḳhvāb

nāz-o-niyāz-e-āshiq-o-ma.ashūq kyā kahūñ
ijz o ġhurūr shaah o gadā kuchh na pūchhiye

jab nigāh-e-nāz kamsin kī uThī
nannhī-munnī ik qayāmat ho ga.ī

jaan paḌ jaatī hai dast-e-nāz se har chiiz meñ
rañg ban kar chaḌhtī haiñ hāthoñ meñ saarī chūḌiyāñ

bal nikālā saikḌoñ bāñkoñ kā dast-e-nāz se
baañk ke fan meñ huiiñ yaktā tumhārī chūḌiyāñ

rū-e-raushan par jo tum ne haath rakhā naaz se
chāñd kā haala nazar aa.iiñ tumhārī chūḌiyāñ

naaz se farmāte haiñ luuñ kis tarah terā salām
haath uTh sakte nahīñ aisī haiñ bhārī chūḌiyāñ

go guhar ho ai parī nāz-e-nigāh-e-hūr kā
ainak-e-rizvāñ kī halqa haiñ tumhārī chūḌiyāñ

us ke liye bhī ġham-za-e-nāz-o-adā kā vaqt hai
apne liye bhī mausam-e-hijr-o-visāl hai nayā

apnī shān-e-be-niyāzī par tumheñ kyā kyā haiñ naaz
kaash tum us shauq ko jaano jo mere dil meñ hai

nazar uThe to na samjhūñ jhuke to kyā samjhūñ
sukūt-e-nāz ye paira-e-bayāñ kyā hai

us harīm-e-nāz se shikva kiyā thā ek din
manzileñ bikhrī paḌī haiñ rāstoñ ke darmiyāñ

yaad aatī hai jab un kī nigah-e-nāz mujhe
ek barchhī mire siine pe tanī hotī hai

zom na kiijo sham.a-rū bazm ke soz o saaz par
rakhiyo nazar bajā-e-nāz ḳhātir-e-pīr-e-nāz par

duniyā-dārī kī ḳhātir is duniyā kā
jaane kyā kyā naaz uThānā paḌtā hai

sab butāñ rashk siiñ ho jaañ maal
naaz kā asp agar laat karo