Tags-Nasiihat

Tok detā hai bhale koī ġhalat ho ki sahī
nāsehā ye to batā farz-e-nasīhat kyā hai

nāsehā mat kar nasīhat dil mirā ghabrā.e hai
maiñ use samjhūñ huuñ kab jo tujh se samjhā jaa.e hai

zindagī ne jo diye ham ko sabaq
vo kahāñ pand-o-nasīhat se mile

zindagānī meñ nasīhat nahīñ kaam aatī hai
dars-e-aḳhlāq faqat mujh ko kitāboñ meñ mile

is nasīhat ko mirī maan ba-qaul 'afrīdī'
jī rahe yā na rahe par qadam-e-yār na chhoḌ

zahr-e-nasīhat tīr-e-malāmat dars-e-haqīqat sab ne diye
ek vahī thā jis ne merī har aadat par naaz kiyā

nasīhat mujh ko tark-e-ishq kī kuchh farz nahīñ tujh par
na chhoḌ ai shaiḳh sunnat muñh meñ nit misvāk rahne de

mirā zamīr bahut hai mujhe sazā ke liye
tū dost hai to nasīhat na kar ḳhudā ke liye

un kī bāteñ us ne bhī chhup kar sunīñ
aaj nāseh ko nasīhat ho ga.ī

zaḳhm jo tū ne diye tujh ko dikhā to duuñ magar
paas tere bhī nasīhat ke sivā hai aur kyā

'mamnūñ' mujhe nasīhat-e-sā.ib ye yaad hai
tā sulh mumkin ast makun zīnhār bahas

kyuuñ 'mus.hafī' ko itnī tū kartā hai nasīhat
sar chaḌh na bahut us ke jo majbūr ho ai shaiḳh

āḳhirī umr meñ maflūj huā baap huuñ maiñ
apne bachchoñ ko nasīhat bhī nahīñ kar saktā

abhī se apnī nasīhat kā zahar de na mujhe
abhī to piine de aur be-hisāb piine de

batānā hai mushkil chhupānā hai mushkil
kareñ kyā o rahbar nasīhat hī diije

mujh ko dete haiñ ab vo nasīhat 'sachin'
dekh paa.e na jo umr-bhar aa.ina

ġharq-e-surūr-o-sūr mujhe pā ke daf.atan
nāseh se tark-e-mai kī nasīhat na ho sakī

is tarah pand-o-nasīhat kī uThā.ī tamhīd
aaj saaqī pe huā mujh ko gumān-e-vā.iz

nāsehā aayā nasīhat hai sunāne ke liye
yā ki aayā hai yahāñ tere satāne ke liye

ik zarā vaqt mayassar ho to aa kar mire dost
dil meñ khilte hue phūloñ ko nasīhat kar jaa.eñ