Collections

Lab Shayari

Motivational Ghazals

Best Khamoshi Shayari

More Collections

Tags-Neend

niiñd uḌ jā.egī rātoñ ko shikāyat hogī
maiñ na samjhā thā tumheñ itnī mohabbat hogī

nind uD jaegi raaton ko shikayat hogi

ek tavīl niiñd ke ba.ad
maiñ ne barahmā kī tarah aañkh kholī

maine apna wajud gaThDi mein bandh liya

daulat-e-ehsās-e-ġham kī itnī arzānī huī
niiñd sī shai ho ga.ī nāyāb aadhī raat ko

gunjta hai nala-e-mahtab aadhi raat ko

laatā ham tak bhī koī niiñd se bojhal rāteñ
aatā ham ko bhī maza ḳhvāb meñ Dar jaane kā

kab saman dekhenge hum zaKHmon ke bhar jaane ka

na niiñd aa.ī na koī sitāra-e-kam-ḳhvāb
bulandiyoñ se utartā huā nazar aayā

sawad-e-sham se Darta hua nazar aaya

kal ham ne tasht-e-bām pe shab-ḳhūn maar kar
bistar uchaTtī niiñd kā ḳhvābīda kar diyā

kis ke KHayal ne mujhe shorida kar diya

tirī jab niiñd kā daftar khulā thā
yaqīnan ek ik manzar khulā thā

teri jab nind ka daftar khula tha

hamārī niiñd meñ koī sarāb-e-ḳhvāb bhī nahīñ
ye kaisā regzār hai fareb-e-āb bhī nahīñ

hamari nind mein koi sarab-e-KHwab bhi nahin

niiñd uḌte hue qālīn pe thī
sāmne shahr-e-balā thā ik din

apne manzar se juda tha ek din

aaj tak jism mirā TuuT rahā hai 'fāzil'
maiñ ne dekhā thā kabhī niind kī hālat meñ use

KHwab mein dekh raha hun ki haqiqat mein use

adū kī niiñd uḌā rakhī hai 'maz.har'
abhī tak ḳhvāb dafnāyā nahīñ hai

nadi ne git bhi gaya nahin hai

shab-e-firāq hai aur niind aa.ī jaatī hai
kuchh is meñ un kī tavajjoh bhī paa.ī jaatī hai

shab-e-firaq hai aur nind aai jati hai

bahut aziiz thī niind us ko sub.h-e-kāzib kī
so us ko sote hue kārvān chhoḌ gayā

jo sail-e-dard uTha tha wo jaan chhoD gaya

niiñd siiñ khul ga.iiñ mirī āñkheñ so dekhā yaar kuuñ
yā añdhārā is qadar thā yā ujālā ho gayā

sarw-e-gulshan par suKHan us qad ka baala ho gaya

marg par āmāda terī sard-mehrī ne kiyā
niiñd mujh ko aa ga.ī ThanDī havā khāne ke ba.ad

be-KHudi hai hasraton ki bhiD chhaT jaane ke baad

ma.āl-e-kashmakash-e-dard kuchh huā 'hirmāñ'
sunā hai maut kī ik niiñd le rahā huuñ maiñ

bina-e-sajda hun sajde ki ibtida hun main

uchaTtī niiñd se hāsil bhī aur kyā hogā
kaTe phaTe hue kuchh ḳhvāb dekh lete haiñ

KHamosh jhil mein girdab dekh lete hain

shaam se un ke tasavvur kā nasha thā itnā
niiñd aa.ī hai to āñkhoñ ne burā maanā hai

sham se un ke tasawwur ka nasha tha itna

maiñ kab se niiñd kā maarā huā huuñ aur kab se
ye merī jāgtī āñkheñ haiñ mahv-e-ḳhvāb na pūchh

main kab se nind ka mara hua hun aur kab se

kuchh is liye bhī niiñd hameñ aatī hai jaldī
āñkhoñ ne abhī ḳhvāb tumhāre nahīñ dekhe

tabinda bahaaron ke nazare nahin dekhe