Collections

Lab Shayari

Motivational Ghazals

Best Khamoshi Shayari

More Collections

Tags-Neend

niiñd āñkhoñ se ḳhafā ho jā.egī
ḳhvāb palkoñ par sajā.eñ to sahī

baat kya hai ye bataen to sahi

niiñd kā halkā gulābī sā ḳhumār āñkhoñ meñ thā
yuuñ lagā jaise vo shab ko der tak soyā nahīñ

nind ka halka gulabi sa KHumar aankhon mein tha

is intizār meñ hai merā qasr-e-be-ḳhvābī
ki koī nīñd-parī koī huur dastak de

koi to zehan ke dar par zarur dastak de

muddatoñ dar par mire vo dastakeñ detā rahā
maiñ magar vo niiñd kā maatā ki chauñkā bhī nahīñ

ruh ke jalte KHarabe ka mudawa bhi nahin

so nahīñ paa.eñ to sone kī duā.eñ māñgeñ
niiñd aane lage to ḳhud ko jagāne lag jaa.eñ

dil ko rah rah ke ye andeshe Darane lag jaen

tumheñ niiñd aa rahī hai shaam hī se
tamāshā raat bhar hogā hamārā

jahan ghar hoga dar hoga hamara

vo gahrī niiñd soī thī maiñ niiñd se laḌā huā
so raat bhar sahāb o māhtāb dekhtā rahā

main KHak mein mile hue gulab dekhta raha

aañkh ko niiñd meñ ma.alūm nahīñ ho saktā
raat vo hai ki nahīñ ḳhvāb vahī hai ki nahīñ

KHwab-kari wahi kamKHwab wahi hai ki nahin

phir is tarah kabhī soyā na is tarah jaagā
ki ruuh niiñd meñ thī aur jāgtā thā maiñ

phir is tarah kabhi soya na is tarah jaga

be-ḳhūdī-e-ishq jaise ġham kī niiñd
ġham kī nīndeñ ruuh kī bedāriyāñ

ishq ki allah ri dushwariyan

niind ko log maut kahte haiñ
ḳhvāb kā naam zindagī bhī hai

ghar ghar aapas mein dushmani bhi hai

Duub jaatā hai mirā jī jo kahūñ qissa-e-dard
niiñd aatī hai mujhī kuuñ mire afsāne meñ

kya bala ka hai nasha ishq ke paimane mein

TuuT ke phir se juḌ gayā ḳhvāb kā zard silsila
maiñ ne tire firāq ko niiñd meñ hī basar kiyā

chand gile bhula diye chand se darguzar kiya

bujhte jaate haiñ dikhtī palkoñ pe diip
niiñd aa.ī hai raat guzrī hai

dil se har guzri baat guzri hai

surūr-e-ishq kā un ko maza nahīñ ma.alūm
jo log niiñd na aane pe tanz karte haiñ

waqar-e-ishq baDhane pe tanz karte hain

rakh ke muñh so ga.e ham ātishīñ ruḳhsāroñ par
dil ko thā chain to niiñd aa ga.ī añgāroñ par

rakh ke munh so gae hum aatishin ruKHsaron par

haa.e vo niiñd uḌātī āñkheñ
ḳhvāb meñ umr kaTī ho jaise

dhul aankhon mein paDi ho jaise

asīr-e-shām haiñ Dhalte dikhā.ī dete haiñ
ye log niiñd meñ chalte dikhā.ī dete haiñ

asir-e-sham hain Dhalte dikhai dete hain

kisī kī niiñd TūTtī koī to raat jāgtā
isī nagar meñ raat ko kisī kā ḳhvāb mar gayā

shab-e-firaq mein mere wo baal-o-par katar gaya

kamāl-e-be-kalī sahī ajiib ratjage kiye
hamāre jism niiñd se niDhāl jāgte rahe

har ek KHwab so gaya KHayal jagte rahe