Tags-Neend

niiñd se us ko jagānā bhī zarūrī hai bahut
rāt-bhar us ko pukāre bhī nahīñ jā sakte

ḳhātme se pahle agar ḳhatm honā hai to samajh lo ki ḳhātma ho chukā hai
silā.ī machine par merī aurat kī niiñd meñ soī girnā

yakāyak niiñd meñ aañsū nikal aa.e
vo ḳhvāboñ meñ mujhe taḌpā gayā shāyad

ye niiñd kā jhoñkā to nahīñ be-ḳhudī-e-ishq
hushyār ki vo ḳhvāb-e-girāñ aur hī kuchh hai

kyā jāniye kyā ġham thā mil kar bhī ye aalam thā
be-ḳhvāb rahe vo bhī ham ko bhī na niiñd aa.ī

ik pīpal ke nīche maiñ ne apnī khaaT bichhā.ī
leT gayā maiñ khaaT pe lekin niiñd na mujh ko aa.ī

maut kā ek din muayyan hai
niind kyuuñ raat bhar nahīñ aatī

jāgnā ishq meñ har ek kī taqdīr nahīñ
niiñd qurbān ho jis par ye vo bedārī hai

mahshar meñ bhī niiñd ġhāfiloñ kī
mumkin nahīñ be-ḳhabar ki TuuTe

merī niiñd ik parinda hai
jo gum ho gayā hai

thakan meñ Dhal gayā lahja kisī kā
mirī ḳhvāhish ko bhī niiñd aa ga.ī thī

abr kī oT meñ kahīñ narm sī dastakeñ huiiñ
saath hī koī dar khulā phir mujhe niiñd aa ga.ī

ek ajab firāq se ek ajab visāl tak
apne ḳhayāl meñ chalā phir mujhe niiñd aa ga.ī

phuul zamīn par girā phir mujhe niiñd aa ga.ī
duur kisī ne kuchh kahā phir mujhe niiñd aa ga.ī

tū kahīñ ās-pās thā vo tirā iltibās thā
maiñ use dekhtā rahā phir mujhe niiñd aa ga.ī

apne hī ek ruup se taaza suḳhan ke darmiyāñ
maiñ kisī baat par hañsā phir mujhe niiñd aa ga.ī

aur hī ek samt se aur hī ik maqām par
gard ne shahr ko chhuā phir mujhe niiñd aa ga.ī

raat bahut havā chalī aur shajar bahut Dare
maiñ bhī zarā zarā Darā phir mujhe niiñd aa ga.ī

maut kī niind bhī ab chain se sonā mālūm
ki janāze pe vo ġhārat-gar-e-ḳhvāb aatā hai

is tarah se azaab tak aa.e
niiñd aa.ī na ḳhvāb tak aa.e