Tags-Nigaah

kisī ke bas meñ nahīñ hai kushād-e-qalb-o-nigāh
milā thā apnī hī qismat kā sā.ebāñ mujh ko

bach gayā tīr-e-nigāh-e-yār se
vāqa.ī ā.īna hai faulād kā

kyā sabab batā.eñ ham nāla-e-shabāna kā pūchh lo in āñkhoñ se
is nigāh-e-jādū meñ apne har tabassum kī haiñ kahāniyāñ logo

vo nigāh-e-garm hai barq ai 'vaqār'
ḳhirman-e-hastī ko be-hāsil samajh

nigāh ke shoḳh-pan ko begānagī kā aaseb Das gayā hai
muġhāyrat kā fusūñ-zada dil junūñ ke shāyāñ rahā nahīñ hai

zarra-e-vādi-e-ulfat pe munāsib hai nigāh
falak-e-husn pe ḳhurshīd-e-daraḳhshāñ ho kar

dam-e-nazāra ye dīvāngī-e-zauq-e-nigāh
vo mujh ko DhūñDte haiñ un ko DhūñDhtā huuñ maiñ

tujh se nigāh milte hī dil se to haath dho chuke
ab hai faqat ye aarzū jaan se bhī miTā.e jā

sameT leñge kisī din nigāh mausam kī
shajar shajar pe abhī apnā naam likhtā huuñ

sab inqalāb the un kī nigāh phirne tak
ab āsmān kī gardish meñ inqalāb nahīñ

tirī nigāh kī shauq-āfrīniyāñ tauba
jo kāmyāb hai vo bhī to kāmyāb nahīñ

ye dekh kis gul-e-tar par nigāh Thahrī hai
na de vo phuul mujhe dād-e-intiḳhāb to de

sab ke jaisī na banā zulf ki ham sāda-nigāh
tere dhoke meñ kisī aur ke shāne lag jaa.eñ

sar se pā tak mirī nigāh meñ ho
muñh chhupāne se fā.eda kyā hai

use haTānā paḌegā junūñ kī Thokar se
ye kā.enāt rukāvaT mirī nigāh meñ hai

tirī nigāh ke jab ahl-e-dil pe vaar chale
ḳhizāñ-nasīb chaman jānib-e-bahār chale

chhalnī chhalnī dil bhī jigar bhī rauzan rauzan siina bhī
ek nigāh-e-nāz ne terī tiir hazāroñ maare haiñ

itnā saada bhī use ai dil-e-pur-shauq na jaan
iltifāt ek nigāh-e-ġhalat-andāz bhī hai

bisāt dil kī bhalā kyā nigāh-e-yār meñ hai
ye shīsha TuuT bhī jaa.e to kis shumār meñ hai