Tags-Nigaah

mirī nigāh kahāñ dīd-e-husn-e-yār kahāñ
ho e'tibār to phir tāb-e-intizār kahāñ

kisī kī rah se ḳhudā kī ḳhātir uThā ke kāñTe haTā ke patthar
phir us ke aage nigāh apnī jhukā ke rakhnā kamāl ye hai

is kārobār jān-o-jasad par nigāh Daal
haiñ kaisī kaisī ne.amateñ āb-o-havā meñ dekh

ho nazar aisī ki bas dil kī nigāh tak pahuñche
dil meñ utre to kabhī hāl-e-tabāh tak pahuñche

hazār maslihateñ jis meñ kār-farmā hoñ
vo ik nigāh-e-karam ham pe baar guzrī hai

kaifiyyat us nigāh kī hamdam batā.ūñ kyā
ik mauj hai ki jis meñ bahā jā rahā huuñ maiñ

mānūs-e-iltifāt huā jā rahā huuñ maiñ
dekh ai nigāh-e-nāz miTā jā rahā huuñ maiñ

mirī nigāh meñ vo riñd hī nahīñ saaqī
jo hoshiyārī o mastī meñ imtiyāz kare

ye pichhlī raat ye ḳhāmoshiyāñ ye Dūbte taare
nigāh-e-shauq bahkī phir rahī hai iltijā ho kar

haqīqat-dar-haqīqat but-kade meñ hai na kaabe meñ
nigāh-e-shauq dhoke de rahī hai rahnumā ho kar

kabhī jo zarra-e-ḳhākī kā koī zikr chhiḌā
nigāh uTh ke sitāroñ pe jam ga.ī merī

ḳhud aa ga.e haiñ simaT kar nigāh meñ jalve
visāl-e-dost hai ye rañj-e-intizār nahīñ

mirī nigāh meñ manzil hai aam insāñ kī
maqām-e-dār nahīñ bazm-e-mah-ruḳhāñ bhī nahīñ

kisī ġharīb ko zaḳhmī kareñ ki qatl kareñ
nigāh-e-nāz pe jurmāne thoḌī hote haiñ

phir dāvat-e-gunāh milī ik nigāh se
phir merī pārsā.ī ko sharmānā chāhiye

sun ai nigāh-e-mohabbat se rūThne vaale
tire ḳhayāl meñ gum hai sukūn-e-dil merā

ye sāneha bhī mire āñsuoñ pe guzrā hai
nigāh boltī thī tarjumāñ ke hote hue

dil-o-nigāh ko kab tak koī bichhā.e rahe
ye dekh kar ki udhar se koī jhukāv nahīñ

tumhī kaho tumheñ kis kī nigāh le Duubī
mujhe to ḳhair mirī sādgī ne maar diyā

ye kaisā jalva dikhā rahe ho
nigāh-o-dil meñ samā rahe ho