Tags-Nigaah

huī ḳhabar bhī na ham ko kab aa.e aur ga.e
nigāh-e-nāz se dil meñ utar ga.e chup-chāp

vo ek aam sā lahja thā bhīge mausam kā
nigāh-o-dil meñ magar yuuñ utar gayā thā ki bas

uThā jo dast-e-sitam qatl-e-be-navā ke liye
nigāh-e-shauq ne bose har ik adā ke liye

pardes meñ jo aa.ī nazar nargisī nigāh
ik bā-vafā ke dīda-e-nam yaad aa ga.e

kyā dekhiye ki dekh hī sakte nahīñ use
apnī nigāh-e-shauq hijāb-e-nazar hai aaj

ḳhudā na dikhlā.e achchhī sūrat abhī to aa jaatī hai harārat
paḌegī be-shak nigāh-e-ulfat za.iif go maiñ huuñ dil javāñ hai

ik nigāh-e-nāz ne saaqī kī ye kyā kar diyā
rafta rafta kah uThe sab pīr-e-mai-ḳhāna mujhe

har kas-o-nā-kas se kyā miltī nigāh
apnī āñkhoñ meñ but-e-maġhrūr thā

dekh kyā daam lagātī hai nigāh-e-'mullā'
kabhī ai ġhuncha-e-tar dast-e-gul-afrosh meñ aa

haa.e vo ik nigāh-e-duzdīda
kyā kyā ilzām dhar ga.ī āḳhir

ik tabassum-e-pinhāñ ik nigāh-e-duzdīda
aur phir kahānī thiiñ sar-girāniyāñ saarī

nigāh-e-shab tire āñgan meñ ḳhvāb DhūñDhe thī
ye ab ke zaḳhm bhī kaisā diyā nayā tū ne

ho sāmnā agar to ḳhajil ho nigāh-e-barq
dekhī haiñ uzv uzv meñ vo achpalāhaTeñ

gulshan meñ un ko dekh ke mahv-e-ḳhirām-e-nāz
samjhī nigāh-e-shauq ki raqs-e-bahār hai

har vaqt be-hijāb ho kyūñkar kare nigāh
hai iḳhtiyār chashm-e-piyā kā hayā ke haath

isī nigāh ne maarā alam-parastoñ ko
vahī nigāh mirī zindagī sañvār ga.ī

jhukī jhukī sī nigāh-e-qātil hazār ġhamze dikhā rahī hai
na jaane jaagā hai baḳht kis kā ye kis ko bismil banā rahī hai

isī ḳhayāl se palkoñ pe ruk ga.e aañsū
tirī nigāh ko shāyad subūt-e-ġham na mile

hadd-e-nigāh tilak phailā hai an-dekhā aaseb
gosha-e-dil meñ jhilmil jhilmil diip ibādat vaale

nigāh-e-nāz se dekheñ to bahr-e-āzādī
qafas ke saare parindoñ ko nām-zad kar deñ