Tags-Nigaah

us ke tīr-e-nigāh kī daulat
haiñ dar-e-dil pe mehmān khaḌe

nazāra-e-ruḳh-e-lailā mubārak ai majnūñ
nigāh-e-shauq ne parde uThā.e mahmil ke

vo zard chehra mo.attar nigāh jaisā thā
havā kā ruup thā bolo to aah jaisā thā

tire ḳhayāl ne pahnā shafaq kā pairāhan
mirī nigāh se rañgoñ kā silsila na gayā

jo naqāb-e-ruḳh uThā dī to ye qaid bhī lagā dī
uThe har nigāh lekin koī baam tak na pahuñche

lutf uThā bas nigāh-e-avval se
har nazar ko gunāhgār na kar

sulagtā dasht hai vo apnī asl meñ lekin
nigāh-e-asr ko dariyā dikhā.ī detā hai

hamāre hisse kā ik jur.a bhī nahīñ baaqī
nigāh-e-dost kī mai-ḳhāngī ko kyā kiije

duniyā maqām-e-hū nazar aa.egī nā-gahāñ
TūTegā jab tilism fareb-e-nigāh kā

ab kyā lagegā dil chaman-e-rozgār meñ
maarā huā hai dīda-e-ibrat-nigāh kā

taklīf-e-iltifāt na duuñ us nigāh ko
bā-vasf-e-jaur-o-nāz jo ārām-e-jāñ bhī hai

vo nigāh-e-sharmagīñ ho yā kisī kā inkisār
jhuk ke jo mujh se milā vo ek ḳhanjar ho gayā

diloñ meñ sab ke chubh rahī hai ik savāl kī tarah
tirī nigāh-e-yās bhī hai mere haal kī tarah

kaash mafhūm-gazīda koī patthar hī mile
sañg-zāroñ meñ bhaTaktī hai nigāh-e-alfāz

ajal se baḌh ke muhāfiz nahīñ koī apnā
ḳhudā kī shaan ki dushman nigāh-bāñ niklā

jaisī nigāh thī tirī vaisā fusūñ huā
jo kuchh tire ḳhayāl meñ thā jūñ-kā-tūñ huā

tirī nigāh to ḳhush-manzarī pe rahtī hai
terī pasand ke manzar kahāñ se lā.ūñ maiñ

nigāh-e-yār ham se aaj be-taqsīr phirtī hai
kisī kī kuchh nahīñ chaltī hai jab taqdīr phirtī hai

dil-e-shikasta kī nīm-jāñ ḳhvāhishoñ ko jiinā sikhā rahī hai
nigāh-e-afsūñ-bayān us kī butoñ se sajda karā rahī hai

dil kā ajiib rañg hai aur vo shaḳhs sañg hai
tā-ba-nigāh duur tak jis kā koī patā nahīñ