Tags-Nigaah

ahl-e-dil par bārish-e-lutf-e-nigāh-e-dil-navāz
mehrbāñ hai ishq par chashm-e-nigārāñ in dinoñ

kyā ajab ishrat-kadoñ par bijliyāñ girne lagīñ
hai bahut sarkash nigāh-e-sogvārāñ in dinoñ

kuchh aise bhī haiñ jo mahfil meñ tishna-kām rahte haiñ
nigāh-e-lutf haTtī hai agar paimāna aatā hai

sekūñ nigāh-e-garm siiñ ḳhush-chashm kī mujhe
shamshīr us bhuvāñ ke siiñ ghāyal huā huuñ maiñ

ho jā.egī haqīqat-e-shams-o-qamar ayaañ
un ko nigāh bhar ke agar dekh lījiye

qafas vahī hai jahāñ ranj-e-nau-ba-nau ai dost
nigāh-dārī ehsās par meñ hote haiñ

hujūm tishna-labāñ kī nigāh se ojhal
chhalak rahe haiñ sharāb-e-havas ke paimāne

yād-e-nigāh-e-mast se hai dil ko intishār
paimāna hai ḳharāb sharāb-e-chakīda kā

chilman kī tīliyoñ se rukī kab nigāh-e-shauq
us par kabhī bhī bandish-e-bejā na chāhiye

saaqī kī ik nigāh pe mad.hosh bazm hai
gardish meñ ab to sāġhar-o-mīnā na chāhiye

hai ālam-e-shabāb kisī kā nigāh meñ
merī nazar ko aur tamāshā na chāhiye

zarā sī duurī pe baiTh kar vo nigāh mujh se milā rahī thī
jo apnī bāñhoñ meñ bhar liyā to adā se sharmā ga.ī udāsī

us ne nazreñ uThā ke dekh liyā
ishq kī jur.at-e-nigāh ga.ī

aap hī markaz-e-nigāh rahe
jaane ko chār-sū nigāh ga.ī

kyā jaane kyā asar thā kisī kī nigāh meñ
sau husn aa ga.e mire hāl-e-tabāh meñ

jannat ḳhayāl meñ hai na duniyā nigāh meñ
kyā lazzateñ milī haiñ ġham-e-be-panāh meñ

ham donoñ mahv-e-shauq meñ lekin ma.āl-e-shauq
un kī nigāh meñ hai na merī nigāh meñ

īmān aur kufr kā jhagḌā hī kho diyā
vo jab kabhī samā.e kisī kī nigāh meñ

mujh se nigāh pher ke kyoñ jā rahe ho tum
merī to zindagī hai tumhārī nigāh meñ